निधी उभारणीला वेग; एअर इंडियासाठी टाटा समूह घेणार १५ हजार कोटींचं कर्ज


हायलाइट्स:

  • टाटा सन्सला एअर इंडियाच्या बोलीचा विजेता घोषित करण्यात आले आहे.
  • पुढील काही महिन्यांमध्ये ही प्रक्रिया पूर्ण करण्यासाठी ते केंद्र सरकारसोबत काम करतील.
  • टाटा समूह काही परदेशी बँका आणि निवडक स्थानिक बँकांशीही चर्चा करत आहे.

नवी दिल्ली : टाटा समूह एअर इंडियाच्या अधिग्रहणासाठी सिंडिकेटेड कर्जाद्वारे १५ हजार कोटी रुपयांपर्यंत निधी उभारू शकतो. कर्जासाठी मॅच्युरिटी तीन वर्षे असेल आणि व्याज दर ७ टक्के असेल. या प्रस्तावित व्यवहारामध्ये स्टेट बँक ऑफ इंडिया (SBI) प्रमुख बँक असू शकते. कारण त्यांनी बोली लावण्यासाठी आवश्यक बँक हमी आधीच दिली होती.

परदेशी बँकांशी चर्चा सुरू
या अहवालात म्हटले आहे की, हा टाटा समूह काही परदेशी बँका आणि निवडक स्थानिक बँकांशीही चर्चा करत आहे. परदेशी बँकांमध्ये स्टँडर्ड चार्टर्ड, सिटी, ड्यूश, जेपी मॉर्गन आणि बार्कलेज यांचा समावेश आहे. प्रकरणाची माहिती असलेल्या व्यक्तीने ही माहिती ईकॉनॉमिक टाईम्सला दिली आहे. दरम्यान, बँका आणि एसबीआयने अद्याप या प्रकरणी कोणतीही प्रतिक्रिया दिलेली नाही.

सेन्सेक्स-निफ्टीचा रेकॉर्ड मात्र ‘टीसीएस’सह आयटी कंपन्यांचे शेअर गडगडले
ऑटोमोबाईल ते एव्हिएशन क्षेत्रात काम करणाऱ्या या ग्रुपला शुक्रवारी (८ ऑक्टोबर) विमान कंपनीसाठीच्या बोलीचा विजेता घोषित करण्यात आले. दोनवेळा प्रयत्न केल्यानंतर या संपूर्ण प्रक्रियेला चार वर्षे लागली. टाटा सन्सला लवकरच लेटर ऑफ इंटेंट मिळणे अपेक्षित आहे. प्रस्तावित कर्जावर अद्याप चर्चा सुरू आहे आणि या प्रकरणात अद्याप कोणताही निष्कर्ष काढला गेला नाही. बॉण्ड्सचा पर्यायही सध्या नाकारता येत नाही. या प्रकरणात परदेशातून निधीदेखील गोळा केला जाऊ शकतो.

RBIने रेपो दर ठेवले ‘जैसे थे’; अधिक परताव्यासाठी एफडी नाही, तर इथं करा गुंतवणूक
सूत्रांनी दिलेल्या माहितीनुसार, कोणत्याही अधिग्रहणासाठी निधी देण्याबाबत स्थानिक बँकांना काही मर्यादा आहेत. पण, सार्वजनिक क्षेत्रातील बँकांना सूट आहे. एसबीआय आणि टाटा यांच्यातील संबंध दीर्घकाळ टिकू शकतात. काही परदेशी सावकारांनी निधी उभारण्यासाठी तसेच कोणत्याही आवश्यकतेसाठी समूहाशी संपर्क साधला. तर काही परदेशी बँकांनी टाटा सन्सला टर्म शीट पाठवली आहे. या आठवड्यात याबाबत पुन्हा चर्चा करण्यात येईल.

सोने-चांदी झाले स्वस्त; नफावसुलीने कमॉडिटी बाजारात घसरण, जाणून घ्या आजचा भाव
दरम्यान, टाटा सन्स एअर इंडियाच्या अधिग्रहणापूर्वी थोड्या कालावधीसाठी सल्लागारांची तुकडी तयार करत आहे. यात टाटा सन्सचे मुख्य कार्यकारी अधिकारी असतील, ज्यात बोर्ड सदस्य, जागतिक उड्डाण तज्ज्ञ आणि एअर इंडियाचे काही उच्च अधिकारी असतील. एअर इंडियाच्या रणनीतीवर चर्चा करण्यासाठी मंगळवारी (१२ ऑक्टोबर) टाटा सन्सच्या संचालक मंडळाची बैठक होणार आहे. एअर इंडियाचा समावेश असलेल्या गटासाठी निधी योजनांवरही चर्चा होण्याची शक्यता आहे.



Source link

Live Sachcha Dost TV

Leave a Reply

Your email address will not be published. Required fields are marked *

%d bloggers like this: