Lakhimpur case : राहुल गांधींचा घणाघात​; म्हणाले, ​’भाजपने मंत्र्याची हकालपट्टी न करून…’


नवी दिल्लीः लखीमपूर खिरी हिंसाचार प्रकरणी केंद्रीय गृह राज्यमंत्री अजय मिश्रा यांना बडतर्फ करण्याची मागणी काँग्रेस नेते राहुल गांधी ( rahul gandhi on lakhimpur case ) यांनी पुन्हा एकदा केली आहे. राहुल गांधी यांनी #KisanKoNyayDo अशा हॅशटॅगने एक ट्विट केले आहे. लखीमपूर प्रकरणी ‘मंत्र्याची हकालपट्टी न करून भाजपने न्याय प्रक्रियेत अडथळा आणला आहे. केंद्र सरकारला ना शेतकऱ्यांच्या कुटुंबांची काळजी आहे, ना हत्या झालेल्या भाजप कार्यकर्त्यांची, असं राहुल गांधी यांनी ट्विटमध्ये म्हटलं आहे.

दुसरीकडे, उत्तर प्रदेश काँग्रेसच्या प्रभारी प्रियांका गांधी यांनीही या मुद्द्यावरून हल्लाबोल केला आहे. “केंद्रीय गृह राज्यमंत्र्यांच्या मुलाला शेतकऱ्यांच्या हत्येप्रकरणी अटक करण्यात आली आहे. यामुळे मंत्र्यांना पदावर कायम राहण्याचा अधिकार आहे का? निष्पक्ष तपास आणि न्यायासाठी केंद्रीय गृह राज्यमंत्री अजय मिश्रा यांची मंत्रिमंडळातून हकालपट्टी करणं आवश्यक आहे. नरेंद्र मोदींनी आपल्या मंत्र्याला सुरक्षा देणं बंद करावं, असं प्रियांका गांधी म्हणाल्या.

lakhimpur kheri incident : लखीमपूर हिंसाचार; अखेर केंद्रीय मंत्र्यांच्या मुलाची पोलीस कोठडीत रवानगी

प्रियांका गांधी यांच्या नेतृत्वाखाली आंदोलन करत पक्षाच्या कार्यकर्त्यांनी केंद्रीय मंत्री अजय मिश्रा टेनी यांना हटवण्याची मागणी केली. प्रियांका गांधी यांनी लखनऊमध्ये ‘मूक धरणे’ आंदोलन केलं. लखनऊ जीपीओ पार्क येथे महात्मा गांधींच्या पुतळ्यासमोर हे मूक धरणे आंदोलन करण्यात आलं. यावेळी केंद्रीय मंत्री अजय मिश्रा टेनी यांची हकालपट्टी करण्याची मागणी करण्यात आली.

Lakhimpur Violence: ‘आशिष ऐवजी जर कुणी अतिक असता तर…’, ओवैंसींची सत्ताधाऱ्यांवर टिप्पणी

लखीमपूर खिरीमध्ये आंदोलक शेतकऱ्यांना कारने चिरडले. यानंतर हिंसा भडकली. या संपूर्ण घटनेत ४ शेतकऱ्यांसह ८ जणांचा मृत्यू झाला होता. केंद्रीय मंत्री अजय मिश्रा यांचा मुलगा आशिष मिश्रा हा घटनेवेळी कारमध्ये होता, असा शेतकऱ्यांचा आरोप आहे. या प्रकरणी यूपी पोलिसांनी ९ ऑक्टोबरला आशिष मिश्राला अटक केली होती. आज कोर्टाने त्याला ३ दिवसांची पोलीस कोठडी सुनावली आहे.



Source link

Live Sachcha Dost TV

Leave a Reply

Your email address will not be published. Required fields are marked *

%d bloggers like this: