खूशखबर ; दिवाळीपूर्वी मिळणार ‘पीएफ’वर व्याज, जाणून घ्या कशी कराल खात्री

नवी दिल्ली : कर्मचाऱ्यांच्या भविष्य निर्वाह निधीचे व्यवस्थापन करणाऱ्या ‘ईपीएफओ’कडून दिवाळीपूर्वी व्याजाची रक्कम जमा केली जाऊ शकते, असे सूत्रांनी म्हटलं आहे. भविष्य निर्वाह निधीवर २०२०-२१ या वर्षासाठी ८.५ टक्के व्याज कायम ठेवले आहे. पीएफ खात्यात व्याज जमा झाला आहे की नाही याची खातरजमा पीएफ सभासदांना चार वेगवेगळ्या पर्यायांमधून करता येणार आहे.

‘आकाशी’ झेप घे रे…! एका भेटीनंतर चक्र फिरली, झुनझुनवालांच्या विमान कंपनीला केंद्राचा ग्रीन सिग्नल
२०१९-२० या वर्षासाठी पीएफवर ८.५ टक्के व्याजदर मंजूर करण्यात आला होते. हाच व्याजदर २०२०-२१मध्ये कायम ठेवण्यात आला आहे.
मार्च महिन्यात ८.५ टक्के व्याजदरावर शिक्कामोर्तब करण्यात आले होते. मात्र अर्थ खात्याकडून अद्याप मंजुरी न मिळाल्याने सभासदांना व्याजाची रक्कम अदा करण्यात आलेली नाही. देशभरात ईपीएफओचे जवळपास सहा कोटी सभासद आहेत.

किंचित दिलासा ; सात दिवस दरवाढीनंतर पेट्रोलियम कंपन्यांनी घेतला हा निर्णय
१) ‘ईपीएफओ’ वेबसाइटवरून मिळेल माहिती

– कर्मचारी भविष्य निर्वाह निधी संघटनेच्या epfindia.gov.in या वेबसाईटवर शिल्लक रक्कम किती आहे याची माहिती घेता येईल.

– या वेबसाईटवर क्लिक केल्यानंतर passbook.epfindia.gov.in या एक नवीन पेजवर तुम्ही माहिती सादर करावी लागेल.

– या ठिकाणी तुम्हाला UAN नंबर, पासवर्ड आणि कॅप्चा कोड भरावा लागेल.

– सर्व माहिती भरल्यानंतर आणखी एक नवीन पेज खुले होईल आणि यात तुम्हाला मेंबर आयडीची निवड करावी.

– यात ई-पासबुकमधून तुम्हाला ईपीएफ शिल्लक रक्कम कळेल.

वाचा : निधी उभारणीला वेग; एअर इंडियासाठी टाटा समूह घेणार १५ हजार कोटींचं कर्ज
२) SMS मधून कळेल तुमचा पीएफ बॅलन्स

– या सेवेसाठी तुमचा UAN नंबर EPFO कडे रजिस्टर्ड असणे आवश्यक आहे.

– तुम्हाला ७७३८२९९८९९ या क्रमांकावर ‘EPFOHO UAN ENG’ हा संदेश पाठवावा लागेल.

– ही सेवा इंग्रजी, हिंदी, पंजाबी यासारख्या १० विविध भाषांमध्ये उपलब्ध आहे.

३) मिस्ड कॉल देऊन तुम्हाला मिळेल माहिती

– SMS सेवेप्रमाणे सभासदांना मिस्ड कॉल देऊन पीएफचा बॅलन्स तपासता येईल.

– यासाठी तुमच्या रजिस्टर्ड मोबाइल नंबरवरून ०११-२२९०१४०६ या क्रमांकावर मिस्ड कॉल द्या.

– या सेवेसाठी UAN, PAN आणि आधार लिंक असायला हवा.

४) पीएफ सभासदांना Umang App मधून तपासता येईल ‘पीएफ’ची शिल्लक रक्कम

– स्मार्टफोनमध्ये प्ले स्टोअरमधून Umang App डाउनलोड करावे.

– या ऍपवर तुमचा मोबाइल नंबर रजिस्टर करा आणि ऍपमध्ये लॉगिन करा.

– ऍपमध्ये डाव्या बाजूला असलेल्या मेन्यूमध्ये ‘Service Directory’ मध्ये जा.

– ‘Service Directory’ मध्ये EPFO या पर्यायाची निवड करा.

– यात View Passbook यावर क्लिक करून त्यात UAN नंबर आणि OTP सादर करून पीएफची शिल्कक जाणून घेता येईल.