धक्कादायक! फक्त तीस हजार रुपयांसाठी महिलेस जिवंत जाळण्याचा प्रयत्न


हायलाइट्स:

  • तीस हजार रुपये देण्यास नकार दिल्याने एका महिलेला जिवंत जाळण्याचा प्रयत्न.
  • जरीपटका पोलिस ठाण्याच्या हद्दीतील भिमसेनानगर झोपडपट्टी परिसरात घडली.
  • तक्रारीच्या आधारावर पोलिसांनी तिघांवर प्राणघातक हल्ल्याचा गुन्हा दाखल केला.

म.टा. प्रतिनिधी, नागपूर

तीस हजार रुपये देण्यास नकार दिल्याने एका महिलेला जिवंत जाळण्याचा प्रयत्न करण्यात आला. ही धक्कादायक घटना जरीपटका पोलिस ठाण्याच्या हद्दीतील भिमसेनानगर झोपडपट्टी परिसरात घडली. उषा प्रकाश तायडे (वय ५४) असे या प्रकरणातील फिर्यादीचे तरक शेराबाबू मेश्राम, त्याची आई माया मेश्राम आणि पत्नी रश्मी मेश्राम अशी आरोपींची नावे आहेत. (a case has been registered against three persons for trying to burn a woman alive for only rs 30000)

उषा आणि शेराबाबू हे एकाच परिसरातील रहिवासी असून त्यांची एकमेकांशी ओळख होती. शेराबाबूने गाडी घेतली होती. या गाडीचा हफ्ता भरायचा होता. त्यांच्याकडे पैसे नव्हते. त्यामुळे शेराबाबूने उषाकडे पैसे मागावे असा तगादा त्याच्या आई आणि पत्नीने लावला होता.

क्लिक करा आणि वाचा- शिवसेनेचा दसरा मेळावा; रामदास कदम यांना बोलावलं असेल का?, रंगली चर्चा

उषा ह्या १८ ऑगस्ट रोजी संध्याकाळी साडे सहाच्या सुमारास शेराबाबूच्या घरी आली. यावेळी शेराबाबूने पैसे मागितले. परंतु आपल्याकडे पैसे नसल्याने त्यांनी सांगितले. यानंतर उषा बाथरूममध्ये गेल्या. तेथून बाहेर येताच तिन्ही आरोपी रॉकेलसहित हजर होते. या तिघांनी तिच्या अंगावर रॉकेल टाकले व तिला पेटवून दिले.

क्लिक करा आणि वाचा- ‘कुणीतरी माझ्यावर पाळत ठेवत आहे’; आर्यन खानला अटक करणाऱ्या समीर वानखेडेंचा मोठा आरोप

मात्र, त्यानंतर शेराबाबूने आपल्या अंगावरील आग विझविण्याचाही प्रयत्न केल्याचे उषा यांच्या तक्रारीत नमूद करण्यात आले आहे. गेले काही महिने त्यांच्यावर उपचार सुरू होता. तेव्हा त्यांनी तक्रार देण्याच्या मन:स्थितीत नव्हत्या. त्यामुळे प्रकृती स्थीर झाल्यावर त्यांनी जरीपटका पोलिसांकडे तक्रार दिली. या तक्रारीच्या आधारावर पोलिसांनी तिघांवर प्राणघातक हल्लाचा गुन्हा दाखल केला आहे.

क्लिक करा आणि वाचा- ‘बंद में कभी कभी ऐसा हो जाता है’; संजय राऊत यांची ‘महाराष्ट्र बंद’बाबत प्रतिक्रिया



Source link

Live Sachcha Dost TV

Leave a Reply

Your email address will not be published. Required fields are marked *

%d bloggers like this: