सेन्सेक्स-निफ्टी तेजीत ; कोळसा टंचाईने ऊर्जा कंपन्यांचे शेअर वधारले


हायलाइट्स:

  • बाजार बंद होताना मुंबई शेअर बाजारचा सेन्सेक्स १४९ अंकांनी वधारला.
  • राष्ट्रीय शेअर बाजाराचा निफ्टी ४६ अंकांनी वधारून १७९९१ अंकावर बंद झाला.
  • दुपारच्या सत्रात शेअर बाजारात घसरण पाहायला मिळाली होती.

मुंबई : तेजीने वधारलेल्या शेअरमध्ये नफावसुली झाल्याने आज मंगळवारी दुपारच्या सत्रात शेअर बाजारात घसरण पाहायला मिळाली मात्र पुन्हा सेन्सेक्स आणि निफ्टीने तेजीची वाट धरली. बाजार बंद होताना मुंबई शेअर बाजारचा सेन्सेक्स १४९ अंकांनी वधारला आणि तो ६०२४८ अंकांवर स्थिरावला. राष्ट्रीय शेअर बाजाराचा निफ्टी ४६ अंकांनी वधारून १७९९१ अंकावर बंद झाला.

एका वर्षात ९९.६८ टक्के रिटर्न; आयसीआयसीआय प्रुडेन्शिअलच्या ‘या’ फंडाची दमदार कामगिरी
सलग चौथ्या सत्रात शेअर निर्देशांकात वाढ झाली. आजच्या सत्रात सेन्सेक्स मंचावरील ३० पैकी १२ शेअर तेजीसह वधारले. ज्यात टायटन, बजाज ऑटो, बजाज फिनसर्व्ह, एसबीआय, नेस्ले, आयटीसी, ऍक्सिस बँक, टाटा स्टील, एचयूएल, कोटक बँक, इंडसइंड बँक, रिलायन्स , बजाज फायनान्स या शेअरमध्ये वाढ झाली. दुसऱ्या बाजुला मारुती, पॉवरग्रीड, एनटीपीसी, एचडीएफसी बँक, इन्फोसिस, टीसीएस, टेक महिंद्रा, महिंद्रा अँड महिंद्रा, एचसीएल टेक या शेअरमध्ये घसरण झाली.

सोने महागले ; आज कमॉडिटी बाजारात झाली मोठी वाढ , चांदीपण वधारली
आजच्या सत्रात कन्झुमर ड्युरेबल निर्देशांकात सर्वाधिक २.७८ टक्के वाढ झाली. चलन बाजारात आज पुन्हा डॉलरसमोर रुपयात मोठे अवमूल्यन झाले. रुपया १६ पैशांनी घसरला आणि तो ७५.५२ वर बंद झाला. दिवसभरात त्याने ७५.६६ रुपयांची नीचांकी पातळी गाठली होती.

खूशखबर ; दिवाळीपूर्वी मिळणार ‘पीएफ’वर व्याज, जाणून घ्या कशी कराल खात्री
देशात मागील दोन दिवसांपासून कोळसा टंचाई निर्माण झाली आहे. त्यामुळे औष्णिक वीज केंद्रांना कोळशाची कमतरता भासत आहे. केंद्र सरकारने देशात पुरेसा कोळसा असल्याची ग्वाही दिली आहे. मात्र या घडामोडी बाजारातील ऊर्जा कंपन्यांसाठी जमेच्या ठरल्या. आज टाटा पॉवर, कल्पतरू पॉवर, अडानी ग्रीन एनर्जी, सीईएससी, एजीव्हीएन, एनटीपीसी या शेअरमध्ये वाढ झाली.

किंचित दिलासा ; सात दिवस दरवाढीनंतर पेट्रोलियम कंपन्यांनी घेतला हा निर्णय
खासगी बँकांच्या शेअरला मात्र आज नफावसुलीचा फटका बसला. आरबीएल बँक, करूर वैश्य बँक, आयडीएफसी फर्स्ट बँक, आयसीआयसीआय बँक, बंधन बँक हे शेअर घसरले. ऑटो क्षेत्रात हिरो मोटो कॉर्प आणि टाटा मोटर्स या शेअरमध्ये वाढ झाली तर मारुती सुझुकीच्या शेअरला फटका बसला.



Source link

Live Sachcha Dost TV

Leave a Reply

Your email address will not be published. Required fields are marked *

%d bloggers like this: