पंढरपुरातील खड्डे दुरूस्तीच्या मागणीसाठी मविआ नेत्यांचे रस्त्यावर उतरून आंदोलन
पंढरपुरातील खड्डे दुरूस्तीच्या मागणीसाठी मविआ नेत्यांचे रस्त्यावर उतरून आंदोलन
एक आठवड्यात खड्डे न बुजविल्यास मुख्यमंत्री व उपमुख्यमंत्री यांच्या हस्ते करणार सत्यनारायण पूजा- श्रीकांत शिंदे
पंढरपूर / ज्ञानप्रवाह न्यूज -पंढरपूर हे महाराष्ट्राची दक्षिण काशी असून विठुरायाच्या पदस्पर्शाने पावन झालेली नगरी असूनसुध्दा पंढरपूर शहराच्या जवळ आल्यानंतर वाहनांना किंवा चालत येणार्यांना खड्‌ड्यात आदळल्यानंतर पंढरपूर शहरात आल्याची जाणीव होते ही खेदाची बाब आहे. पंढरपूर नगरपालिकेच्या माध्यमातून हे 169 कोटी रूपयांचे सादर करत असताना त्या बजेटच्या माध्यमातून मात्र सरगम चौकातील असणाऱ्या रेल्वे रूळाच्या खालून जाणारा रस्ता मात्र काही कायमस्वरूपी दुरूस्त करता येत नाही ही भाविकांची व पंढरपूरकरांची शोकांतिका म्हणावी लागेल. तसेच येत्या आठ दिवसांत शहरातील खड्डे न बुजविल्यास राज्याचे मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्या हस्ते त्या खड्‌ड्यांमध्ये सत्यनारायणाची पूजा आयोजित करणार असल्याचा इशारा राष्ट्रवादी युवक कॉंग्रेसचे प्रदेश सचिव श्रीकांत शिंदे यांनी दिला.
पंढरपूर शहरातील व विशेष म्हणजे सरगम चौकातील सर्व खड्डे कायमस्वरूपी बुजविण्यासाठी महाविकास आघाडीच्या राष्ट्रवादी, कॉंग्रेस व शिवसेना, मित्र पक्षाच्यावतीने खड्‌ड्यातून जावा, झंडू बाम लावा असे आंदोलन करत प्रशासनाला जाग आणण्याचा प्रयत्न करण्यात आला. यानंतर पंढरपूर नगरपरिषदेचे मुख्याधिकारी यांना निवेदन देण्यात आले. सदरचे निवेदन उपमुख्याधिकारी सुनिल वाळूजकर यांनी हे निवेदन स्वीकारले.
महिलेचा मृत्यू होवूनही प्रशासन झोपलेलेच- श्रीकांत शिंदे
गेल्या काही दिवसांपूर्वी सरगम चौकातील येणाऱ्या रस्त्यावर खड्डा असल्याने एका गरीब महिलेचा एस.टी. खाली चेंगरून मृत्यू झाला तरी देखील प्रशासन झोपलेलेच असल्याचे पहावयास मिळत आहे. अजूनही प्रशासनाने खड्‌ड्यांची दुरूस्तीची करण्याची मोहीम हाती घेतलेली नाही. का प्रशासनास आणखी लोकांचा बळी गेल्यावर जाग येणार आहे असा खडा सवाल श्रीकांत शिंदे यांनी केला.
यावेळी कॉंग्रेसचे जिल्हा सचिव अमर सुर्यवंशी, ऍड.राजेश भादुले, प्रदेश सचिव शंकर सुरवसे, युवक शहराध्यक्ष संदिप शिंदे, ठाकरे युवा सेना शहरप्रमुख श्रीनिवास उपळकर, राष्ट्रवादी युवक शहराध्यक्ष स्वप्निल जगताप, सामाजिक संघटनेचे संतोष बंडगर,गणेश अंकुशराव, धनाजी लटके, सुरज गंगेकर, निलेश कोरके, सुरज पेंडाल, बलदेव शिकलकर, धीरज टिकोरे, सारंग महामुनी, शुभम पवार, विशाल सावंत, रशीद शेख, संकेत बारसकर,अक्षय ढाळे,अक्षय शेळके, प्रदिप निर्मळ, दादा थिटे, तानाजी मोरे, यश महिंगडे यांच्यासह महाविकास आघाडीच्या सर्व पक्षांचे पदाधिकारी व कार्यकर्ते उपस्थित होते.
वारंवार विविध पक्ष, सामाजिक संघटना आणि नागरिकांनी मागणी करुनही सरगम चौकातील रस्त्या दुरुस्ती बाबत प्रशासनाला फरक पडत नाही त्यामुळे नागरिक आता केंद्रीय सडक परिवहन मंत्री नितीन गडकरी यांना साकडे घालण्याच्या तयारीत आहेत.
