navjot singh sidhu : नवज्योत सिंग सिद्धूंना दिल्लीत बोलावलं, प्रदेशाध्यक्षपद राहणार की जाणार?

नवी दिल्लीः पंजाब प्रदेश काँग्रेस प्रदेशाध्यक्षपदाचा राजीनामा देणारे नवज्योत सिंग सिद्धू ( navjot singh sidhu ) यांनी दिल्लीत बोलावण्यात आले आहे. येत्या १४ तारखेला दिल्लीत पक्षाच्या नेत्यांसोबत त्यांची बैठक आहे. पक्षाचे सरचिटणीस के. सी. वेणुगोपाल आणि प्रदेश प्रभारी हरीश रावत यांना सिद्धू भेटणार आहेत. रावत यांनी ट्विट करून ही माहिती दिली. वेणुगोपाल आणि आपल्यासोबत नवज्योत सिंग सिद्धूंची १४ ऑक्टोबरला संध्याकाळी ६ वाजता पंजाब प्रदेश काँग्रेसबाबत काही संघटनात्मक बाबींवर भेटतील.” मध्ये असणे

बैठकीनंतर काही मुद्द्यांवर सहमती होईल आणि त्यानंतर राजीनामा मागे घेण्याची घोषणा सिद्धू करतील, अशी शक्यता सूत्रांनी वर्तवली आहे.

सिद्धू यांनी गेल्या महिन्यात २८ सप्टेंबरला पंजाब काँग्रेस प्रदेशाध्यक्षपदाचा राजीनामा दिला होता. काँग्रेस अध्यक्ष सोनिया गांधी यांना सिद्धूंनी पत्र लिहिलं होतं. तसंच पक्षाची सेवा करत राहणार, असं ते म्हणाले होते. पंजाबचे मुख्यमंत्री चरणजीत सिंग चन्नी सरकारच्या काही निर्णयांमुळे संतप्त झाल्याने सिद्धू यांनी पंजाब काँग्रेस प्रदेशाध्यक्षपदाचा राजीनामा दिला होता.

वरुण गांधी भाजपला रामराम करणार? सोशल मीडियावर फोटो व्हायरल

amit khare appointed as advisor to pm : PM मोदींच्या सल्लागारपदी अमित खरेंची नियुक्ती, कोण आहेत खरे? वाचा…

कॅप्टन अमरिंदर सिंग यांची नाराजी असतानाही नवज्योत सिंग सिद्धू यांची १८ जुलैला काँग्रेस हायकमांडने प्रदेश पक्षाध्यक्ष म्हणून नियुक्ती केली होती. वाद थांबत नसल्याचे पाहून १८ सप्टेंबरला अमरिंदर सिंग यांनी मुख्यमंत्रिपदाचा राजीनामा दिला होता. यानंतर, चरणजीत सिंग चन्नी यांनी २० सप्टेंबरला मुख्यमंत्रीपदाची शपथ घेतली होती.

coal shortage : कोळसा मंत्र्यांनी दिले उत्तर; म्हणाले, ‘…. पण राज्यांनी तसं केलं नाही’