mohan bhagwat : ‘सावरकरांच्या बदनामीसाठी मोहीम राबवली गेली’, मोहन भागवतांचा गंभीर आरोप


नवी दिल्लीः स्वातंत्र्यवीर सावरकरांवरील एका पुस्तक प्रकाशन कार्यक्रमात राष्ट्रीय स्वयंसेवक संघाचे सरसंघचालक मोहन भागवत ( mohan bhagwat ) यांनी गंभीर आरोप केला आहे. स्वातंत्र्यवीर सावरकरांविषयी आजच्या काळात देशात योग्य माहितीचा मोठा अभाव आहे. ही एक समस्या आहे. सावरकरांबद्दल लिहिलेल्या तीन पुस्तकांमधून बरीच माहिती मिळू शकते. स्वातंत्र्य मिळाल्यापासूनच वीर सावरकरांना ( Swatantryaveer Savarkar ) बदनाम करण्याची मोहीम सुरू झाली होती. आता यानंतर स्वामी विवेकानंद, स्वामी दयानंद सरस्वती आणि योगी अरविंद यांना बदनाम करण्याचा घाट घातला जाईल. कारण सावरकर या तिघांच्या विचारांनी प्रभावित झाले होते, असं मोहन भागवत म्हणाले.

सावरकरांचे हिंदुत्व, विवेकानंदांचे हिंदुत्व म्हणण्याची सध्या फॅशन आली आहे. पण हिंदुत्व एक आहे, ते आधीही होते आणि शेवटपर्यंत राहणार. सावरकरांना परिस्थिती पाहून हिंदुत्व अधिक ठळपणे मांडण्याची आवश्यकता वाटली. जे भारताचे आहे, त्याची सुरक्षा आणि प्रतिष्ठा भारताशीच संबंधित आहे. सावरकरांची ठरवून बदनामी केली गेली. कारण खरं लक्ष्य होतं भारताचा राष्ट्रवाद. फाळणीनंतर भारतातून पाकिस्तानात स्थलांतरित झालेल्या मुस्लिमांना पाकिस्तानातही प्रतिष्ठा मिळाली नाही. यामुळे जो भारताचा आहे, तो भारताचाच आहे, असं ते म्हणाले.

आपली पूजा करण्याची पद्धत वेगळी आहे. पण पूर्वज एकच आहेत. फाळणीनंतर पाकिस्तानात गेलेल्यांना तेथे प्रतिष्ठा मिळाली नाही. हिंदुत्व एक आहे आणि तो शाश्वत आहे. आता ७५ वर्षांनंतरही हिंदुत्वाबद्दल मोठ्याने बोलण्याची गरज आहे. कुणाचे लांगूलचालन व्हायला नको, असं सावकरांनी म्हटल्याचं त्यांनी सांगितलं.

लग्नासाठी धार्मिक धर्मांतराबद्दल चिंता

सरसंघचालक मोहन भागवत यांनी यावेळी लग्नासाठी होत असलेल्या धर्मांतरावर चिंता व्यक्त केली. लग्नासाठी धर्मांतर कसे केले जाते? हिंदू मुले आणि मुली इतर धर्म का स्वीकारत आहेत? छोट्या-छोट्या स्वार्थांसाठी हे घडत आहे. असं करणारी मुले आणि मुली हे चुकीचं करत आहेत, असं ते म्हणाले.

‘धर्माचा अभिमान बाळगायला शिकवण्याची गरज’

आपण आपल्या मुलांना पूर्णपणे तयार करत नाहीत. आपण त्यांना स्वतःचा आणि आपल्या धर्माचा अभिमान बाळगायला शिकवण्याची गरज आहे, असं भागवत म्हणाले. उत्तराखंडमध्ये आयोजित कौटुंबिक प्रबोधन कार्यक्रमात कुटुंबासाठी सहा मंत्र दिले. त्यांनी भाषा, भोजन, भजन, भ्रमण, भूषा आणि भवनच्या माध्यमातून आपल्या मुळांशी जोडलेले राहण्याचा संदेश भागवत यांनी दिला.

amit khare appointed as advisor to pm : PM मोदींच्या सल्लागारपदी अमित खरेंची नियुक्ती, कोण आहेत खरे?

varun gandhi : वरुण गांधी भाजपला रामराम करणार? सोशल मीडियावर फोटो व्हायरल

स्वातंत्र्यवीर सावरकर हे एक महान होते. यात कुठलेही दुमत नाही. कोणत्याही विचारसरणीतून बघितल्यास राष्ट्रनिर्मितीतील त्यांच्या योगदानाकडे दुर्लक्ष करणं, अपमान करणं हे असं कृत्य आहे ज्याला कधीही क्षमा करता येणार नाही, असं संरक्षणमंत्री राजनाथ सिंह या कार्यक्रमात म्हणाले.

coal shortage : कोळसा मंत्र्यांनी दिले उत्तर; म्हणाले, ‘…. पण राज्यांनी तसं केलं नाही



Source link

Live Sachcha Dost TV

Leave a Reply

Your email address will not be published. Required fields are marked *

%d bloggers like this: