murder at singhu border : सिंघू सीमेवरील निर्घृण हत्येशी आमचा काहीही संबंध नाही, संयुक्त किसान मोर्चाचा दावा


नवी दिल्लीः हरयाणा-दिल्ली सिंघू सीमेजवळ सकाळी हात कापलेल्या एका तरुणा मृतदेह आढळून आला. सोशल मीडियावर हत्या केलेल्या तरुणाचे फोटो व्हायरल होत आहेत. त्याचे अर्धनग्न शरीर बॅरिकेड्सवर लटकलेले दिसले. केंद्राच्या कृषी कायद्यांविरोधात ज्या ठिकाणी शेतकरी गेल्या वर्षापासून आंदोलन करत आहेत, त्याच ठिकाणी मृतदेह आढळला आहे. या हत्येनंतर आता संयुक्त किसान मोर्चाने एक निवेदन जारी केले आहे. या घटनेचा आमच्याशी काहीही संबंध नाही. निहंग गटाने या घटनेची जबाबदारी घेतली आहे, असा दावा किसान मोर्चाने निवेदनातून केला आहे.

काय म्हटले संयुक्त किसान मोर्चाने?

पंजाबमधील लखबीर सिंग या व्यक्तीची आज सकाळी सिंघू सीमेवर हत्या करण्यात आली. घटनास्थळी उपस्थित असलेल्या एका निहंग गटाने हत्येची जबाबदारी घेतली आहे. मृत व्यक्तीने सरबलोह ग्रांटच्या संबंधात तोडफोड करण्याचा प्रयत्न केल्यामुळे ही घटना घडली आहे. मृत व्यक्ती काही काळापासून निहंगांच्या त्याच गटासोबत राहत होता, असं सांगण्यात येत असल्याचं संयुक्त किसान मोर्चाने निवेदनात म्हटलं आहे.

आम्ही या निर्घृण हत्येचा निषेध करतो. या घटनेच्या दोन्ही बाजू, निहंग गट आणि मृत व्यक्तीचा संयुक्त किसान मोर्चाशी काहीही संबंध नाही. मोर्चा कोणत्याही धार्मिक मजकुराच्या किंवा चिन्हाच्या विटंबनेच्या विरोधात आहे. पण कायदा स्वतःच्या हातात घेण्याचा कोणालाही अधिकार नाही. हत्या आणि अपवित्रतेच्या षड्यंत्राच्या आरोपाची चौकशी केल्यानंतर दोषींना कायद्यानुसार शिक्षा झाली पाहिजे .अशी आमची मागणी आहे. संयुक्त किसान मोर्चा कोणत्याही कायदेशीर कारवाईमध्ये पोलीस आणि प्रशासनाला सहकार्य करेल, असं संयुक्त किसान मोर्चाने म्हटलं आहे.

आंदोलनाला बदनाम करण्याचा प्रयत्न- हन्नान मोल्ला

गेल्या १० महिन्यांपासून शेतकऱ्यांच्या आंदोलनाला बदनाम करण्याचा एकत्रित प्रयत्न सुरू आहे. संयुक्त किसान मोर्चाचा या घटनेशी काहीही संबंध नाही. एक गट मोर्चा बाहेर बसला आहे, त्यांनी हे केले आहे. सरकारने चौकशी करावी. पोलिसांनी चौकशी करावी, असं अखिल भारतीय किसान सभेचे सरचिटणीस हन्नान मोल्ला म्हणाले.

Body found at Singhu border : तरुणाची निर्घृण हत्या; ‘शेतकरी आंदोलनाच्या नावाखाली अराजकता पसरवणारे हे कोण?’

सिंघू सीमेवर पोलीस दल तैनात

हरयाणा आणि दिल्ली दोन्ही पोलीस सिंघू सीमेच्या दोन्ही बाजूला उपस्थित आहेत. यापूर्वी २६ जानेवारीला शेतकऱ्यांच्या आंदोलनाला हिंसक स्वरूप आले आहे. दुसरीकडे, ३ ऑक्टोबरला उत्तर प्रदेशातील लखीमपूर खिरीमध्ये आंदोलनादरम्यान शेतकऱ्यांना वाहनाने हल्ला करण्यात आला आणि त्यानंतर हिंसाचाराची घटना घडली. या घटनेत इतर ४ जणांसह ४ शेतकऱ्यांचा मृत्यू झाला होता. गेल्या एक वर्षापासून तीन कृषी कायद्यांविरोधात सुरू असलेल्या आंदोलनात ६३० शेतकऱ्यांचा मृत्यू झाल्याचा दावा शेतकरी संघटनांनी केला आहे.

सिंघू सीमेवर जमावाकडून हत्या : कोण होता लखबीर सिंह? जाणून घ्या…



Source link

Leave a Reply

Your email address will not be published. Required fields are marked *

%d bloggers like this: