Manmohan Singh: माजी पंतप्रधानांच्या भेटीचा ‘किळसवाणा पीआर स्टंट’, काँग्रेसची आरोग्यमंत्र्यांवर टीका


हायलाइट्स:

  • एम्स रुग्णालयात आरोग्यमंत्री माजी पंतप्रधान मनमोहन सिंह यांच्या भेटीला
  • ‘आरोग्यमंत्र्यांसोबत एका फोटोग्राफर वॉर्डमध्ये घुसला’
  • मनमोहन सिंह यांच्या मुलीनंही व्यक्त केली नाराजी

नवी दिल्ली :माजी पंतप्रधान डॉ. मनमोहन सिंह प्रकृती अस्वास्थ्याच्या कारणामुळे बुधवारपासून दिल्लीच्या ‘अखिल भारतीय वैद्यकीय विज्ञान संस्था’ (AIIMS) रुग्णालयात दाखल आहेत. अचानक तब्येत ढासळल्यानंतर त्यांना तातडीनं एम्स रुग्णालयात दाखल करण्यात आलं होतं. याच दरम्यान केंद्रीय आरोग्य मंत्री मनसुख मांडविया माजी पंतप्रधानांच्या भेटीसाठी आणि विचारपूस करण्यासाठी दाखल झाले. यानंतर त्यांनी या भेटीचे फोटो सोशल मीडियावरून शेअर केले. यावर, काँग्रेसचे नेते रणदीप सिंह सुरजेवाला यांनी ‘रुग्णालयातील माजी पंतप्रधानांचे फोटो सोशल मीडियावर शेअर करणं हा किळसवाणा पीआर स्टंट’ असल्याचं म्हणत आरोग्यमंत्र्यांवर टीका केलीय.

केंद्रीय आरोग्य मंत्री मनसुख मांडविया यांनी शेअर केलेल्या फोटोत माजी पंतप्रधान मनमोहन सिंह रुग्णालयातील खाटेवर झोपलेल्या अवस्थेत दिसत आहेत. हा फोटो शेअर करताना मांडविया यांनी मनमोहन सिंह लवकर बरे व्हावेत यासाठी प्रार्थना केली.

manmohan singh admitted : माजी पंतप्रधान मनमोहन सिंग यांची प्रकृती बिघडली, एम्समध्ये दाखल
आरोग्य मंत्र्यांच्या या ट्विटवर काँग्रेस महासचिव रणदीप सिंह सुरजेवाल यांनी टीका केलीय. ‘फोटो हेच भाजपसाठी सगळं काही आहे’ असं म्हणत रुग्णालयात आजारी असलेल्या मनमोहन सिंह यांचे फोटो अशा पद्धतीनं सोशल मीडियावर शेअर करणं हे नैतिक निकषांना धरून नाहीच परंतु, हे माजी पंतप्रधानांच्या खासगी आयुष्याचं उल्लंघन करण्यासारखं आहे, असं रणदीप सुरजेवाला यांनी म्हटलंय.

माजी पंतप्रधानांच्या भेटीचा आरोग्य मंत्र्यांचा हा ‘किळसवाणा पीआर स्टंट’ असल्याचं सांगत रणदीप सुरजेवाला यांनी माफीची मागणी केलीय.

शुक्रवारी पंतप्रधान मनमोहन सिंह यांची प्रकृती स्थिर असल्याची माहिती डॉक्टरांनी दिली होती.

singhu border incident : सिंघू सीमेवरील हत्येची जबाबदारी निहंग सरबजीत सिंगने स्वीकराली, पोलिसांना शरण
car rammed in jashpur chhattisgarh : भयंकर! छत्तीसगडमध्ये लखीमपूर पॅटर्न? कारने अनेकांना चिरडलं; ४ जण ठार
मनमोहन सिंह यांच्या मुलीनंही व्यक्त केली नाराजी

सोबतच, माजी पंतप्रधान मनमोहन सिंह यांची मुलगी दमन सिंह यांनीही या प्रकारावर नाराजी व्यक्त केलीय. ‘आरोग्यमंत्र्यांसोबत एका फोटोग्राफर वॉर्डमध्ये घुसला, ज्यामुळे त्रास झाल्याचा’ आरोप दमन सिंह यांनी एका वृत्तसंस्थेशी बोलताना केला. ‘माझी आई चिंतेत आहे. माझे आई-वडील एका कठीण परिस्थितीतून जात आहेत. ते वयस्कर आहेत’, असंही त्यांनी यावेळी म्हटलं.

Chhattisgarh: रायपूर रेल्वे स्टेशनवर स्फोट, सीआरपीएफचे सहा जवान गंभीर जखमी
navjot singh sidhu : ‘राहुल-सिद्धू ‘बल्ले बल्ले’; प्रदेशाध्यपदी कायम….



Source link

Leave a Reply

Your email address will not be published. Required fields are marked *

%d bloggers like this: