भाव कमी, खरेदी जोरात ; सहामाहीत सोने आयात तब्बल चार पटीने वाढली


हायलाइट्स:

  • गेल्या वर्षी ५६२०० रुपयांचा विक्रमी स्तर गाठणारे सोने वर्षभरात १० हजारांनी स्वस्त झाले आहे.
  • सोनं स्वस्त झाल्याने बाजारात मागणी देखील प्रचंड वाढली आहे.
  • चालू आर्थिक वर्षात एप्रिल ते सप्टेंबर या तिमाहीत भारतात तब्बल २४ अब्ज डॉलर्सचे सोने आयात करण्यात आले.

नवी दिल्ली : जागतिक बाजारातील घडामोडी आणि करोना संकटातून सावरत पूर्वपदावर येणारी अर्थव्यवस्था यामुळे सोनीमधील तेजीची झाली ओसरले आहे. गेल्या वर्षी ५६२०० रुपयांचा विक्रमी स्तर गाठणारे सोने वर्षभरात १० हजारांनी स्वस्त झाले आहे. सोनं स्वस्त झाल्याने बाजारात मागणी देखील प्रचंड वाढली आहे. चालू आर्थिक वर्षात एप्रिल ते सप्टेंबर या तिमाहीत भारतात तब्बल २४ अब्ज डॉलर्सचे सोने आयात करण्यात आले.

सोनं झालं स्वस्त ; दसऱ्याला सोने आणि चांदीमध्ये झाली मोठी घसरण
सोन आयात चालू वर्षाच्या पहिल्या सहामाहित चार पटीने वाढली आहे. त्यामुळे चालू खात्यातील तूट आणखी वाढण्याची शक्यता आहे. वाणिज्य मंत्रालयाने सोने आयातीची ताजी आकडेवारी जाहीर केली आहे. ज्यात एप्रिल ते सप्टेंबर या सहा महिन्यांच्या काळात भारतात २४ अब्ज डॉलर्सचे सोने आयात करण्यात आले. गेल्या वर्षी याच काळात ६.८ अब्ज डॉलर्सची सोने आयात करण्यात आली होती.

जाणून घ्या ; SBI ची कृषक उत्थान योजनेचे फायदे आणि कसा लाभ मिळवाल
सोन्याची आयात वाढण्यास त्याच्या किमतीत झालेली घसरण कारणीभूत असल्याचे कमॉडिटी विश्लेषकांचे म्हणणे आहे. दुसऱ्या बाजूला याच कालावधीत चांदीच्या आयातीत मात्र घसरण झाली आहे. एप्रिल ते सप्टेंबर या काळात चांदीची आयात १५.५ टक्के कमी झाली. ६१९.३ दशलक्ष डॉलर्सची चांदीची आयात झाली आहे.

पोस्ट ऑफिसची हटके स्कीम; एकदा गुंतवा अन् प्रत्येक महिन्याला कमाई करा
सप्टेंब २०२१ अखेर सरकारची व्यापारी तूट २२.६ अब्ज डॉलर्सपर्यंत वाढली आहे. तूट भरमसाठ वाढण्यास सोनं कारणीभूत ठरले आहे. गेल्या वर्षी याच काळात व्यापारी तुटीचा आकडा २.९६ अब्ज डॉलर्सपर्यंत मर्यादित होता. सणासुदीच्या हंगामात सोन्याला मागणी असल्याने सोन्याची आयात वाढली असल्याचे मत जेम्स अँड ज्वेलरी एक्स्पोर्ट प्रमोशन कौन्सिल ऑफ इंडियाचे अध्यक्ष कोलीन शाह यांनी सांगितले.

IMF ने व्यक्त केली चिंता; करोनाच्या नव्या व्हेरियंटचे जगभरात होणार गंभीर परिणाम
भारत हा सोने खरेदी करणाऱ्या आघाडीच्या देशांमध्ये मोठा ग्राहक आहे. दरवर्षी भारतात ८०० ते ९०० टन सोन्याची खरेदी केली जाते. सोन्याची आयात वाढल्यास तूट वाढते आणि केंद्राचा आर्थिक समतोल बिघडतो.



Source link

Leave a Reply

Your email address will not be published. Required fields are marked *

%d bloggers like this: