rajasthan congress : आता राजस्थानचा नंबर! CM गहलोतांसोबत राहुल, प्रियांकांची ‘विशेष बैठक’


जयपूरः काँग्रेस नेते राहुल गांधी यांनी राजस्थानचे मुख्यमंत्री अशोक गहलोत ( rajasthan cm gehlot meets rahul gandhi ) यांच्यासोबत ‘विशेष बैठक’ घेतली. यामध्ये मंत्रिमंडळ विस्तार आणि इतर नियुक्त्यांवर चर्चा करण्यात आली. दुसरीकडे, राजस्थानच्या मुख्यमंत्रीपदी सचिन पायलट यांच्यासाठी विरोधी गट सतत दबाव आणत आहे.

मंत्रिमंडळ विस्ताराचे कयास लावले जात असताना राहुल गांधी यांनी राजस्थानचे मुख्यमंत्री अशोक गहलोत यांच्यासोबत दिल्लीतील आपल्या निवासस्थानी बैठक घेतली. ही बैठक जवळपास दीड तास चालली. या बैठकीत काँग्रेसच्या सरचिटणीस प्रियांका गांधी वाड्रा, संघटनेचे सरचिटणीस के. सी. वेणुगोपाल, सरचिटणीस आणि राजस्थान प्रभारी अजय माकनही उपस्थित होते. काँग्रेस कार्यकारिणीच्या बैठकीनंतर राहुल गांधींनी ही बैठक बोलावली होती, असं सूत्रांनी सांगितलं. ‘काही विशेष नव्हतं. ही नियमित बैठक होतीट, असं माकन यांनी बैठकीनंतर सांगितलं. पण संभाव्य मंत्रिमंडळ विस्तार आणि राजकीय नियुक्तींबाबत बैठकीत चर्चा झाल्याचं बोललं जातंय.

पायलट गट मुख्यमंत्रीपदाच्या खुर्चीवर नजर

मुख्यमंत्री अशोक गहलोत आणि माजी उपमुख्यमंत्री सचिन पायलट यांच्यात गेल्या अनेक महिन्यांपासून राजस्थानमध्ये वाद सुरू आहे. कॅबिनेट विस्तार आणि महामंडळांवरी नेमणुकांमध्ये सन्मानजनक वाटा मिळावा, अशी पायलट गटाची मागणी आहे. काँग्रेस सरकार सत्तेत येऊन जवळपास तीन वर्षे पूर्ण केली आहेत. आता नाराज पायलट गटाने मुख्यमंत्रिपदाची मागणी उचलून धरली आहे, असं सूत्रांनी सांगितलं.

पंजाब काँग्रेसमधील धुसफूस कायम; सिद्धूंचे सोनियांना पत्र, भेटीसाठी वेळ मागितली

भाजप रणशिंग फुंकणार! PM मोदी पदाधिकाऱ्यांना संबोधित करणार

दिवाळीनंतर मंत्रिमंडळ विस्तार शक्य

दिवाळीनंतर राजस्थानमध्ये मंत्रिमंडळ विस्तार आणि फेरबदल होऊ शकतो. राज्यातील दोन जागांवर पोटनिवडणुकाही होत आहेत. या निवडणुकीचा निकाल २ नोव्हेंबरला लागणार आहे. गहलोत यांच्या मंत्रिमंडळात ९ मंत्र्यांची जागा रिक्त आहे. कॅबिनेटमध्ये फेरबदल किंवा राजकीय नियुक्त्यांमध्ये उशीर झाला आहे. काँग्रेस हायकमांडला खरोखरच २०२३ च्या निवडणुकीत सत्ता टिकवायची असेल तर त्यांनी आता बदलासाठी दबाव टाकला पाहिजे, असं सचिन पायलट यांच्या एका निकटवर्तीयाने सांगितलं.



Source link

Leave a Reply

Your email address will not be published. Required fields are marked *

%d bloggers like this: