कुटुंब नियोजन करताय; नवविवाहित जोडप्यांसाठी मॅटर्निटी इन्शुरन्सचे हे आहेत फायदे


हायलाइट्स:

  • मातृत्व विमा (मॅटर्निटी इन्शुरन्स) हा एक अत्यंत उपयुक्त वैद्यकीय विमा आहे.
  • कुटुंब नियोजन करत असाल, तर सध्या तुमच्याकडे पुरेसे वैद्यकीय विमा असणे, ही महत्वाची गोष्ट बनली आहे.
  • यात अपत्य नियोजनाच्या सुरुवातीपासून आणि डिलिव्हरीपर्यंत ओपीडीचादेखील खूप खर्च असतो.

मुंबई : जर तुम्ही कुटुंब नियोजन करत असाल, तर सध्या तुमच्याकडे पुरेसे वैद्यकीय विमा असणे, ही महत्वाची गोष्ट बनली आहे. या व्यतिरिक्त, अनेक प्रकारचे खर्च होत असतात. हा खर्च अपत्याच्या नियोजनापासून सुरू होतो. त्यानंतर बाळाचा जन्म होतो आणि पुढील काही महिने वैद्यकीय खर्च चालू राहतो. अशा परिस्थितीत जर कुटुंब नियोजन नीट केले नाही, तर त्याचा आर्थिक बोजा देखील तुमच्यावर पडू शकतो.

अशा परिस्थितीत मातृत्व विमा (मॅटर्निटी इन्शुरन्स) हा एक अत्यंत उपयुक्त वैद्यकीय विमा आहे. विशेष गोष्ट म्हणजे एकाही विमा कंपनीने देशात आतापर्यंत विशेष प्रसूती विमा उत्पादन आणलेले नाही. हा तुमच्या मूलभूत आरोग्य विम्याचा एक भाग असतो. हे देखील लक्षात ठेवले पाहिजे की, अपत्य नियोजनाच्या सुरुवातीपासून आणि डिलिव्हरीपर्यंत ओपीडीचादेखील खूप खर्च असतो. दर महिन्याला डॉक्टरांकडे जाणे, अनेक प्रकारच्या चाचण्या, औषधे घेणे यासारखे खर्च सामान्य आहेत. हा खर्च कोणत्याही विम्याच्या अंतर्गत येत नाही.

चूक सुधारण्याची संधी ; या कारणामुळे इक्विटी फंडात गुंतवणूकदारांचे अडकलेत २ लाख कोटी
कंपन्या मातृत्व विमा कसा समाविष्ट करतात?
जर तुम्ही अपत्य नियोजन करत असाल, तर सर्व विमा कंपन्यांकडून त्यांच्या पॉलिसीमध्ये मातृत्व विमा समाविष्ट आहे की नाही, ते शोधा. जर पॉलिसीमध्ये मॅटर्निटी कव्हर केले जात असेल, तर ते काय आणि किती रक्कम कव्हर करते. अशा गोष्टी आधी नक्की जाणून घ्या. बाजारात बजाज अलियांझ, भारती एक्सा हेल्थ इन्शुरन्स, स्टार हेल्थ इन्शुरन्स सारख्या अनेक कंपन्या आहेत, ज्या मॅटर्निटीबाबत विविध कव्हरेज आणि सुविधा देतात.

जीडीपीत होणार सुधारणा; ‘डीएसपी’चा टी.आय.जी.ई.आर. फंड गुंतवणुकीसाठी खुला
जर तुम्ही अशी खास पॉलिसी निवडत असाल, तर आधी कोणत्या हॉस्पिटलमध्ये बाळाचा जन्म होईल, हे ठरवा. त्या रुग्णालयात ऑपरेशनच्या मदतीने सामान्य प्रसूती आणि बाळाचा जन्म या दोन्हीची किंमत काय आहे? या व्यतिरिक्त, दोन्ही प्रकरणांमध्ये अतिरिक्त खर्च काय आहेत.

भाव कमी, खरेदी जोरात ; सहामाहीत सोने आयात तब्बल चार पटीने वाढली
साधारण डिलिव्हरीचे शुल्क सुमारे ५० हजार रुपये
बजाज अलियांझचे गुरदीप सिंग यांनी मिंटमध्ये प्रकाशित केलेल्या अहवालात म्हटले आहे की, कोणत्याही चांगल्या हॉस्पिटलमध्ये सामान्य प्रसूतीची किंमत सुमारे ५० हजार आहे आणि ऑपरेशनची किंमत ७५ हजारांच्या जवळपास आहे. जेव्हा वैद्यकीय गुंतागुंत वाढली, की बजेट देखील वाढते. सिंग म्हणाले की, हे आपल्या देशात आरोग्य विम्यात समाविष्ट आहे. अशा परिस्थितीत, पॉलिसी खरेदी करण्यापूर्वी त्याची उप-मर्यादा (सब लिमिट) किती आहे ते शोधा. विमा कंपनी तुम्हाला नॉर्मल डिलीव्हरी, सिझेरियन कव्हर, रूम चार्ज, डॉक्टर चार्ज, वैद्यकीय खर्च यासाठी कव्हरच्या नावावर किती पैसे देईल, तेदेखील पाहा.

३० दिवस आधीचा खर्च देखील केला जातो कव्हर
लक्षात ठेवा की वेगवेगळ्या विमा कंपन्यांसाठी प्रतीक्षा कालावधी (वेटिंग पीरियड) भिन्न-भिन्न आहे. आयआरडीएआय (IRDAI)च्या मार्गदर्शक तत्त्वांनुसार, रुग्णालयात दाखल होण्यापूर्वी ३० दिवसांपर्यंतचा खर्च मॅटर्निटी खर्चाच्या अंतर्गत येतो. काही पॉलिसींमध्ये आणीबाणी रुग्णवाहिकेचं शुल्क देखील समाविष्ट आहे.



Source link

Leave a Reply

Your email address will not be published. Required fields are marked *

%d bloggers like this: