poonch encounter update : पूँछमध्ये ८ दिवसांत लष्कराचे ९ जवान शहीद; काय आहे कारण? वाचा…


श्रीनगरः जम्मू-काश्मीरच्या पूँछ जिल्ह्यात जंगलांमध्ये दहशतवाद्यांविरोधात सुरक्ष दलांची ( poonch encounter ) चकमक सुरू आहे. भारतीय लष्कराचे जवान आणि पोलिस यांनी संयुक्त मोहीम राबवली आहे. पूँछमधील जंगालांमध्ये १० ऑक्टोबरपासून म्हणजे गेल्या ८ दिवसांपासून ही चकमक सुरू आहे. या चकमकीत भारतीय लष्कराचे २ अधिकारी आणि ७ जवान असे एकूण ९ जण शहीद झाले आहेत. तर एकही दहशतवाद्याचा खात्मा झालेला नाही. आणि दहशतवादी ठार झाला असल्यास त्याचा मृतदेह अद्याप हाती आलेला नाही. मेंढर डेरा की गली थानमंडी आणि भिंबेर गली इथे दहशवाद्यांविरोधात ही कारवाई सुरू आहे.

पूँछमध्ये डेरा वाली गली इथे १० ऑक्टोबराला रात्री भारतीय लष्कराचे जवान आणि दहशतवाद्यांमध्ये चमकत उडाली. यात लष्कराच्या एका अधिकाऱ्यासह ५ जवान शहीद झाले. यानंतर पूँछच्या नार खास जंगलात १४ ऑक्टोबरला पुन्हा लष्कराचे जवान जातत. पुन्हा दहशतवादी घात घालून जवानांवर हल्ला करतात. यात पुन्हा दोन जवान शहीद होतात. तर एक अधिकारी आणि एक जवान बेपत्ता होतात. दोन दिवसांनी म्हणजे १६ ऑक्टोबरला या दोघांचे मृतदेह आढळून येतात.

दरम्यान, पूँछमधील चकमक प्रकरणी चौकशीसाठी ३ स्थानिकांना ताब्यात घेतलं आहे. यात एक ४५ वर्षीय महिला आणि तिच्या मुलाचा सामवेश आहे. पाकव्याप्त काश्मीरमधून आलेल्या आणि जंगलात लपून बसेलल्या दहश दहशतवाद्यांना या तिघांनी मदत केल्याचा संशय आहे. हे दहशतवादी अडीच महिन्यापूर्वी भारतीय सीमेत घुसल्याचं सूत्रांचं म्हणणं आहे.

amit shah : अमित शहांचे ऑपरेशन काश्मीर; ८ तास मॅरेथॉन बैठका, NSA डोवलही उपस्थित राहणार

पूँछमधील जंगलामध्ये दहशतवाद्यांविरोधात जी कारवाई सुरू आहे, त्या दहशतवाद्यांना पाकिस्तानी सैन्याच्या कमांडोनी प्रशिक्षण दिल्याचं बोललं जातंय. यामुळेच या कारवाईत लष्कराने आपल्या २ अधिकाऱ्यांसह ५ जवानांना गमवल्याचं सांगण्यात येतंय. भारतीय लष्कराच्या जवानांचा सामना पाकिस्तानी सैन्याने प्रशिक्षण दिलेल्या दहशतवाद्यांशी होत आहे. या दहशतवाद्यांमध्ये पाकिस्तानी कमांडोही सामील असू शकतात, असं सूत्रांचं म्हणणं आहे. भारतीय लष्कराच्या जवानांनी दहशतवाद्यांना पूँछ जंगलात चोहू बाजूंनी घेरलं आहे. आता या मोहीमेत कुठलंही नुकसान होणार नाही, अशी खबरदारी घेऊन कारवाई केली जात आहे. यामुळे दहशतवाद्यांविरोधातील ही कारवाई दीर्घकाळ सुरू राहू शकते.

kulgam terror attack : काश्मीरमध्ये बिहारच्या मजुरांवर दहशतवाद्यांचा हल्ला; दोन ठार, तर एक जखमी

जम्मू-काश्मीरच्या पूँछमधील जंगलात सुरू असलेली ही आतापर्यंत दहशतवाद्यांविरोधातील दीर्घकाळ चाललेली मोठी कारवाई आहे. ऊंच डोंगर आणि घनदाट जंगलामुळे दहशतवाद्यांविरोधातील कारवाईत अडचणीत येत आहेत. पण दहशतवाद्यांचा खात्मा निश्चित आहे.



Source link

Leave a Reply

Your email address will not be published. Required fields are marked *

%d bloggers like this: