मटा अर्थसंवाद ; समभागांची करा मनसोक्त खरेदी


हायलाइट्स:

  • सध्याची स्थिती पाहून असंच वाटतंय की गुंतवणूकदार जणू बाजाराला म्हणतोय, ‘बाजार पडू दे, मग मी समभागांची खरेदी करतो’;
  • त्याच वेळी बाजार त्याला उलट म्हणतोय, ‘तू समभागांची मनसोक्त खरेदी कर मगच मी पडतो!’
  • तुम्हाला या तेजीमध्ये अशाच संधी आणि समभाग शोधायचे आहेत.

केदार ओक : मागील आठवड्यात आपण विमान उद्योगावर आधारित काही कंपन्यांच्या समभागांचा विचार केला. त्याच सुमारास ‘टाटा कन्सल्टन्सी’चा (टीसएस) तिमाहीचा ताळेबंद जाहीर झाला. ताळेबंद नक्कीच वाईट नव्हता; पण अपेक्षेपेक्षा फक्त एक टक्का नफा कमी झाला म्हणून दिवसात हा समभाग सहा टक्क्यांनी घसरला. हा समभाग खाली येण्यामागे अनेक कारणे असतील.

वाचा : तेजीचा धडाका! सेन्सेक्सची ५०० अंकाची झेप, गुंतवणूकदार एक लाख कोटींनी श्रीमंत
काही वेळा इतक्या नामांकित कंपनीच्या बाबतीत चढउतारांना अवास्तव प्रसिद्धी मिळाली आणि अशी एकच गोष्ट आपण गुंतवणूकदारांना सतत सांगत राहिलो तर ते भयभीत होतात. असेच काहीसे झाल्याचे ‘टीसीएस’च्या बाबतीत दिसले आणि या समभागात करेक्शन आले. या पडझडीत हा समभाग आता खरेदी करण्याची गरज आहे. अशा संधी बाजार बऱ्याच वेळेस देतो. दुर्दैवाने अशा संधींकडे आपण घाबरून दुर्लक्ष करतो. गुंतवणूकदारांनो, तुम्हाला या तेजीमध्ये अशाच संधी आणि समभाग शोधायचे आहेत. या वेळी असे काही समभाग देण्याचा हा प्रयत्न…

गुंतवणूक किंवा बचतीसाठी नॉमिनी का महत्वाची आहे? जाणून घ्या नियम आणि अधिकार
आताचा बाजाराचा कल बघता, समभागांत विभागीय करेक्शन येत राहील असेच बाजार सुचवत आहे. पैशाचा ओघ बाजार सध्या धरून ठेवत आहे. दिवाळीपूर्वी ‘सेन्सेक्स’ ५८,००० आणि ‘निफ्टी’ १८,०००च्या पातळीवर हा वर्तवलेला अंदाज आधीच खरा ठरला. ही तेजी अजून कायम राहिल्यास ‘सेन्सेक्स’ ५,००० अंकांनी उसळी घेऊन म्हणजेच ६५,००० ते ६६,०००वर आणि ‘निफ्टी’ १९,५०० ते १९,८००च्या पातळीपर्यंत जाऊ शकेल.

पैशांची गरज आहे? या दोन बचत योजनांवर मिळेल तुम्हाला कर्ज, जाणून घ्या सविस्तर
‘सेन्सेक्स’चा पुढील अंदाज आता सांगणे धोक्याचे किंवा धाडसाचे जरी असले, तरी बाजारात करेक्शन जरी आले तरी पुढील १५ ऑगस्टपर्यंत ‘सेन्सेक्स’ ७५,००० आणि ‘निफ्टी’ २३,०००ची पातळी दाखवेल असं माझं निरीक्षण आहे. बघू या काय होते ते… सध्याची स्थिती पाहून असंच वाटतंय की गुंतवणूकदार जणू बाजाराला म्हणतोय, ‘बाजार पडू दे, मग मी समभागांची खरेदी करतो’; त्याच वेळी बाजार त्याला उलट म्हणतोय, ‘तू समभागांची मनसोक्त खरेदी कर मगच मी पडतो!’

InvITs म्हणजे काय? जाणून घ्या गुंतवणूक संधी आणि कसा फायदा मिळवता येईल
बाजाराला उच्चांकावर नेणारे घटक

१. म्युच्युअल फंडांच्या ‘एसआयपी’मध्ये झालेली वाढ.

२. नवीन येणारे आयपीओ आणि त्यामुळे बाजारात येणारा पैसा.

३. नवीन मार्जिन प्रणालीमुळे कमी झालेली जोखीम.

४. कंपन्यांचे सकारात्मक येणारे तिमाहीचे ताळेबंद.

५. हळूहळू कमी होत जाणारी चलनवाढ.

६. लसनिर्मिती आणि कमी होत जाणारा करोना संसर्ग.

७. खासगी इंडियन स्पेस असोसिएशनची निर्मिती.

८. ‘गती-शक्ती’ नॅशनल मास्टर प्लॅन.

लक्ष द्यावेत असे काही समभाग

कंपनीचे नाव सध्याचा भाव ५२ सप्ताहांतील कमाल/किमान
एचडीएफसी लाइफ इन्शुरन्स ६९३ ७७५/ ५५६
टाटा कन्सल्टन्सी सर्व्हिसेस ३,६११ ३,९८९/२,६००
आयटीसी २५६ २६१/१६३
इंडिगो पेंट्स २,५०८ ३,३२९/२,२२०
जिंदाल स्टील ४४६ ५०१/१७९
सन फार्मा अॅडव्हान्स २९३ ३१२/१४१
डीशमन कार्बोजेन अॅमसिस २२८ २५९/१०२



Source link

Leave a Reply

Your email address will not be published. Required fields are marked *

%d bloggers like this: