yogi adityanath dussehra aarti : कॅमेऱ्याला दाखवत मुख्यमंत्री योगींनी केली दसऱ्याची पूजा? व्हायरल व्हिडिओवरून रंगलं राजकारण


लखनऊः उत्तर प्रदेशचे मुख्यमंत्री योगी आदित्यनाथ यांचा एक व्हिडिओ सध्या सोशल मीडियावर ( yogi adityanath dussehra aarti video viral ) मोठ्या प्रमाणात व्हायरल होत आहे. हा व्हिडिओ या दसऱ्याचा आहे. या व्हिडिओमध्ये योगी आदित्यनाथ हे गोरखनाथ मंदिरात कॅमेऱ्याकडे तोंड करून आरती करताना दिसत आहेत. काँग्रेस आणि समाजवादी पक्षाच्या नेत्यांनी ट्विटरवर हा व्हिडिओ शेअर करून मुख्यमंत्री योगी आदित्यनाथ यांना टोला लगावला आहे. ‘ही कॅमेऱ्याची आरती केली जात आहे’, असं काँग्रेस नेते श्रीनिवास यांनी ट्विट केले आहे. तर ‘भाऊसाहेब देव तुमच्या मागे आहे!’, असं ट्विट काँग्रेसच्या सोशल मीडिया विभागाचे अध्यक्ष रोहन गुप्ता यांनी केले आहे.

समाजवादी पक्षाचे डिजिटल मीडिया समन्वयक मनीष अग्रवाल यांनीही योगींचा हा व्हिडिओ ट्विटरवर शेअर करून घणाघाती हल्ला चढवला आहे. ‘कोणाची आरती केली जातेय? देवीची की कॅमेरा मॅनची? आणि हिंदू धर्मात मेणबत्ती आरतीची प्रथा कधी सुरू झाली? भाजप आणि भाजप नेते जे विरोधी नेत्यांच्या धार्मिक बाबींवर प्रवचन देतात, त्यांनी किमान या प्रकरणामध्ये इथे तरी ज्ञान द्यावे!’, असं त्यांनी ट्विटमध्ये म्हटलं आहे.

आरतीवेळी केली जाते चारही दिशांची पूजा

कॅमेऱ्याकडे बघून अशी आरती केल्याबद्दल सोशल मीडियावर अनेक युजर्सनी योगींवर नाराजी व्यक्त केली आहे. पण हिंदू धर्मात आरतीची एक परंपरा आहे. आरती करताना उपासक चार दिशांचीही पूजा करतो. चार दिशांना देवाचा दर्जा मिळाला आहे. म्हणूनच उपासक आरतीचे ताट घेऊन चारही दिशांची पूजा करतो. व्हायरल व्हिडिओमध्ये मुख्यमंत्री योगी आदित्यनाथ आरतीच्या वेळी त्याच परंपरेचे पालन करताना दिसत आहेत. यापूर्वीही ते गोरखनाथ मंदिरात दसऱ्याच्या पूजेदरम्यान अशीच आरती करताना दिसले आहेत.

Satya Pal Malik: ‘मी राज्यपाल असताना श्रीनगरमध्ये घुसण्याची दहशतवाद्यांची हिंमत नव्हती’

योगींनी देवीकडे पाठ का केली, माहिती आहे का?

सोशल मीडियावर अनेकांनी मुख्यमंत्री योगींच्या व्हिडिओवर कमेंट केली आहे. देवीकडे पाठ करून आरती का करत आहेत, असे प्रश्न अनेकांनी केले आहेत. तर अशा प्रकारे आरती करणं बरोबर असल्याचं काहिंनी म्हटलं आहे. वाराणसीत रोज संध्याकाळी होणाऱ्या गंगा आरतीचा व्हिडिओ त्यांनी शेअर केला. आरती करताना उपासक गंगा नदीकडे पाठ करून उभे असतात. कारण चारही दिशांनी फिरून पूजा करावी लागते, असं त्यांनी म्हटलं आहे.

2 girls run over by vehicle : पोलीस अधिकाऱ्याने दोन तरुणींना चिरडलं, १ ठार; थरारक घटना सीसीटीव्ही



Source link

Leave a Reply

Your email address will not be published. Required fields are marked *

%d bloggers like this: