india vs pak match : भारत-पाक T-20 सामना होणार का? आता बिहारचे उपमुख्यमंत्री म्हणाले…

पाटणाः जम्मू-काश्मीरमध्ये गेल्या पंधरवड्यात दहशतवाद्यांनी बिहारच्या ४ नागरिकांची हत्या केली आहे. बिहारचे नागरिक यावर नाराज आहेत. दुसरीकडे टी -20 क्रिकेट विश्वचषकात भारत आणि पाकिस्तान यांच्यात ( india vs pak match ) सामना होणार आहे. यामुळे हा सामना रद्द करण्याची मागणीने जोर धरला आहे. केंद्रीय मंत्री गिरीराज सिंह यांनी सामना रद्द करण्याची मागणी केली होती. आता बिहारचे उपमुख्यमंत्री तारकिशोर प्रसाद यांनीही सामना खेळवला जाऊ नये, असं म्हटलं आहे.

जम्मू -काश्मीरमध्ये बिगर काश्मीर नागरिकांच्या हत्या वाढल्या आहेत, यावरून बिहारचे उपमुख्यमंत्री तारकिशोर प्रसाद यांनी प्रतिक्रिया दिली आहे. अशा गोष्टी (आगामी आयसीसी टी -20 विश्वचषकात भारत विरुद्ध पाकिस्तान सामना) थांबल्या पाहिजेत. पाकिस्तान अशाच प्रकारे दहशतवादाला पाठिंबा देत राहिल्यास भारत कुठल्याही स्तरावर त्यांच्यासोबत उभा राहणार नाही असा कडक संदेश यातून पाकिस्तानला दिला गेला पाहिजे, असं बिहारचे उपमुख्यमंत्री तारकिशोर प्रसाद म्हणाले.

Satya Pal Malik: ‘मी राज्यपाल असताना श्रीनगरमध्ये घुसण्याची दहशतवाद्यांची हिंमत नव्हती’

लष्कर प्रमुख नरवणे दोन दिवसांच्या जम्मू दौऱ्यावर

दरम्यान, काश्मीरमध्ये दहशतवाद्यांचे नागरिकांवरील वाढते हल्ले पाहता लष्कर प्रमुख एम. एम. नरवणे हे जम्मू क्षेत्राच्या दोन दिवसांच्या दौऱ्यावर दाखल झाले आहेत. ते नियंत्रण रेषेवरील आघाडीच्या ठिकाणांनाही भेट देणार आहेत. तसंच तिथे सुरू असलेल्या दहशतवादविरोधी मोहीमांची वरिष्ठ अधिकाऱ्यांकडून माहिती घेतील. तसंच सुरक्षेचा आढावा घेतील, अशी माहिती लष्कराकडून देण्यात आली आहे.

poonch encounter update : पूँछमध्ये ८ दिवसांत लष्कराचे ९ जवान शहीद; काय आहे कारण? वाचा…

amit shah : अमित शहांचे ऑपरेशन काश्मीर; ८ तास मॅरेथॉन बैठका, NSA डोवलही उपस्थित राहणार

दहशतवादाचा चेहरा आता उघड होईल: गिरीराज सिंह

तारकिशोर यांच्या आधी सोमवारी जोधपूरमध्ये केंद्रीय मंत्री गिरीराज सिंह यांनी भारत-पाकिस्तान सामन्यावर वक्तव्य केलं. दहशतवादाचा चेहरा आता उघड होईल. संपूर्ण जागासमोर त्याचा पर्दाफाश केला जाईल. जम्मू-काश्मीर हिंदूंवर होत असलेले दहशतवादी हल्ले पाहता येत्या काही दिवसांत होणाऱ्या भारत-पाकिस्तान सामन्याचा पुनर्विचार करण्याची गरज आहे. दोन्ही देशातील संबंध बिघडलेले आहेत, असं गिरीराज सिंह म्हणाले होते.