राहुल-इशानच्या स्फोटक सलामीनंतर रोहित शर्माचा भारतीय संघातील पत्ता कट होणार, जाणून घ्या…


दुबई : भारत आणि इंग्लंड यांच्यातील सराव सामन्यात लोकेश राहुल आणि इशान किशन यांनी धडाकेबाज फलंदाजी करत भारताला दमदार सलामी करून दिली. भारताने हा सामना इशान आणि राहुल यांच्या सलामीच्या जोरावरच जिंकला. त्यामुळे भाता भारताला चांगले सलामीवीर मिळाले आहेत, असे म्हटले जात आहे. त्यामुळे भारतीय संघातील रोहित शर्माचा पत्ता कट होणार का, अशी चर्चा सुरु झाली आहे. पण खरंच असं होणार का, जाणून घ्या…

लोकेश राहुल आणि इशान किशन यांनी इंग्लंडच्या गोलंदाजीची पिसे काढत संघाला ८.२ षटकांत ८२ धावांची दणकेबाज सलामी दिली. राहुलने सुरुवातीपासूनच दणदणीत फटकेबाजी करायला सुरुवात केली. राहुलने या सामन्यात २४ चेंडूंत सहा चौकार आणि तीन षटकारांच्या जोरावर ५१ धावांची आक्रमक खेळी साकारली. राहुलला यावेळी इंग्लंडच्या मार्क वुडने मोइन अलीकरवी झेलबाद केले. राहुल बाद झाला तर इशान किशन हा इंग्लंडच्या गोलंदाजांचा चांगलाच समाचार घेत असल्याचे पाहायला मिळाले. इशानला यावेळी निवृत्त करण्याचा निर्णय घेण्यात आला. इशानने यावेळी ४६ चेंडूंत सात चौकार आणि तीन षटकारांच्या जोरावर ७० धावांची दमदार खेळी साकारली. त्यामुळे आता रोहितला विश्वचषकात संधी मिळणार नाही, असे काही जणांना वाटत आहे.

रोहित शर्मा हा भारताचा एक अनुभवी सलामीवीर आहे आणि आतापर्यंत त्याेन भारताला बरेच सामने एकहाती जिंकवून दिले आहेत. भारत आणि इंग्लंड यांच्यामध्ये सोमवारी सराव सामना खेळवला गेला. सराव सामने हे प्रयोग करण्यासाठी असतात. त्यामुळे आजच्या सामन्यात रोहित शर्माला संधीच दिली नाही आणि इशान व राहुलला सलामीला पाठवले. या दोघांनी या संधीचे सोने केले. पण फक्त एका सामन्यावरून रोहितला संघातून काढण्याची घोडचूक भारतीय संघत करणार नाही. रोहितला आता ऑस्ट्रेलियाविरुद्धच्या दुसऱ्या सराव सामन्यात संधी दिली जाईल. त्यावेळी रोहितबरोबर सलामीला कोणाला पाठवायचे, हा कठीण निर्णय भारतीय संघाला घ्यावा लागेल. पण या एका सामन्याने रोहितचा भारतीय संघातील पत्ता कट मात्र नक्कीच होणार आहे. रोहित जर सातत्याने अपयशी ठरत असेल तर त्याच्यासाठी हे पर्याय खुले असू शकतात, पण विश्वचषकात मात्र रोहितसारख्या खेळाडूला वगळण्याचा मुर्खपणा भारतीय संघ नक्कीच करणार नाही. त्यामुळे या विश्वचषकात नक्कीच रोहित सर्वांना खेळताना दिसेल. फक्त त्याच्याबरोबर सलामीला कोणाला पाठवायचे, हा मोठा प्रश्न असेल.



Source link

Leave a Reply

Your email address will not be published. Required fields are marked *

%d bloggers like this: