Solapur Crime धक्कादायक: इंजिनीअरिंगचा विद्यार्थी निघाला ‘त्या’ टोळीचा म्होरक्या!


हायलाइट्स:

  • बेकायदेशीर डिझेल सदृश्य रसायन निर्मिती व विक्री.
  • इंजिनीअरिंगचं शिक्षण घेणारा विद्यार्थी टोळीचा म्होरक्या
  • सोलापूर शहर गुन्हे शाखेने नऊ जणांना केली अटक.

सोलापूर: बेकायदेशीररित्या डिझेल सदृश्य केमिकल पासून डिझेल निर्मिती व विक्री करणारी टोळी सोलापूर शहर गुन्हे शाखेने जेरबंद केली असून याप्रकरणातील एकूण ९ आरोपींना अटक करून १६ कोटी १९ लाख ९० हजार किमतीचा मुद्देमाल हस्तगत करण्यात आला आहे, अशी माहिती पोलीस उपायुक्त बापू बांगर यांनी पत्रकार परिषदेमध्ये दिली. ( Solapur Police Bust Adulterated Diesel )

वाचा: चित्रपटगृहांसाठी CM ठाकरे यांची महत्त्वाची सूचना; आर्थिक दिलासाही देणार

गुन्हे शाखेचे वरिष्ठ पोलिस निरीक्षक संजय साळुंखे यांना १४ ऑक्टोबर रोजी गोपनीयरित्या मिळालेल्या माहितीनुसार ही कारवाई करण्यात आली. पुणे हैदराबाद राष्ट्रीय महामार्गालगत हॉटेल समर्थच्या जवळ उत्तरेस असलेल्या आकांक्षा लॉजिस्टिक या खासगी बस पार्किंगच्या मोकळ्या जागेत उभ्या असलेल्या खासगी ट्रॅव्हल्स बसमध्ये कुठून तरी बेकायदेशीर मार्गाने चोरी करून आणलेला डिझेलसारखा ज्वलनशील द्रव पदार्थ टँकर क्रमांक एम.एच. २५ ए.के. २४१७ मधून खासगी बस क्रमांक एन. एल. ०१ बी १६८७ मध्ये भरला जात होता. तिथे छापा टाकून कारवाई करण्यात आली. यात एक डिझेल टॅंकर व आकांक्षा लॉजिस्टिकच्या तीन बसेससह १ कोटी १ लाख किंमतीचा मुद्देमाल जप्त केला व या प्रकरणात आकांक्षा लॉजिस्टिक कार्यालयातील मालक अविनाश सदाशिव गंजे, मॅनेजर श्रीनिवास लक्ष्मण चव्हाण या दोघांसह बस चालक हजू लतीफ शेख (उस्मानाबाद) तसेच तानाजी कालिदास ताटे (मानेगाव, बार्शी), युवराज प्रकाश प्रबळकर, सुधाकर सदाशिव गंजे यांना ताब्यात घेतले आहे.

वाचा: महाराष्ट्रात पुढचं सरकार कुणाचं असेल?; शरद पवार यांनी केलं मोठं विधान

फौजदार चावडी पोलीस ठाण्यात या सात आरोपींच्या विरोधात गुन्हा दाखल झाला आहे. सदर गुन्ह्याच्या तपासादरम्यान हिमांशू संजय भूमकर (वय-२१ रा. भुमकर कॉलनी बार्शी रोड, वैराग) या इंजिनीरिंगमध्ये शिक्षण घेणाऱ्या विद्यार्थ्याने डिझेलसारखे ज्वलनशील पदार्थ आणण्याकरिता टँकर क्रमांक एम. एच. २५ ए. के. २४१७ पालघरला पाठवला असल्याचे निष्पन्न झाले. त्याचा तातडीने शोध घेऊन अटक करण्यात आली. त्याच्याकडून अधिक माहिती घेतली असता तो डिझेल सदृश्य द्रव्यपदार्थ पालघर येथील साई ओम पेट्रोल स्पेशालिटी ऑफ लिमिटेड या कंपनीतून आणला असल्याचे स्पष्ट झाले. त्यानुसार पोलीस उपायुक्त बापू बांगर व गुन्हे शाखेचे वरिष्ठ पोलीस निरीक्षक संजय साळुंखे व गुन्हे शाखेची दोन पथके पालघर येथे रवाना झाली. तिथे त्या कंपनीस रिसायकल ऑइल व्यवसायाचा परवाना असताना ते केमिकलच्या साह्याने डिझेल तयार करून विक्री करत असल्याचे आढळून आले. या ठिकाणी कंपनीचे मालक व आणखी एकजण यांना ताब्यात घेण्यात आले. कंपनीतील मशिन्स, मालमत्ता व जमीन असा सुमारे १६ कोटी १९ लाख ९० हजार किमतीचा मुद्देमाल गुन्हे शाखेने जप्त केला आहे. या कंपनीने बेकायदेशीरपणे डिझेल बनवण्यासाठी कोणकोणते केमिकल कुठून आणले यासंबंधी आता तपास सुरू असल्याचेही बांगर यांनी सांगितले. ही कामगिरी पोलीस आयुक्त हरिश बैजल यांच्या मार्गदर्शनाखाली सहाय्यक पोलीस निरीक्षक सचिन बंडगर, नंदकिशोर सोळुंके, श्रीनाथ महाडिक, पोलीस निरीक्षक संदीप शिंदे यांच्या नेतृत्वाखालील पथकांनी केली.

वाचा: उपहारगृहे, दुकानांबाबत CM ठाकरेंचा मोठा निर्णय; अम्युझमेंट पार्कही खुले



Source link

Leave a Reply

Your email address will not be published. Required fields are marked *

%d bloggers like this: