uttarakhand flood : उत्तराखंडमध्ये कहर! पावसाने पूर आणि भूस्खलनात ४१ जणांचा मृत्यू, अनेक बेपत्ता


डेहराडूनः गेल्या काही दिवसांपासून सुरू असलेल्या पावसामुळे उत्तराखंडमध्ये मोठी जीवितहानी झाली आहे. आतापर्यंत एकूण ३४ जणांचा मृत्यू झाला असून ५ जण अजूनही बेपत्ता आहेत, अशी माहिती उत्तराखंडचे मुख्यमंत्री पुष्कर सिंह धामी यांनी दिली. तसंच मृतांच्या वारसांना ४ लाख रुपयांची मदतही त्यांनी घोषित केली आहे. पावसाने घर उद्ध्वस्त झालेल्या कुटुंबांना १.९ लाखांची मदत दिली जाईल, असंही धामी यांनी सांगितलं. तसंच पावसामुळे ज्यांच्या घरातील अन्नधान्याचे आणि वस्तूंचे नुकसान झाले आहे, त्यांनाही आवश्यक ती मदत केली जाईल, असं मुख्यमंत्री धामी म्हणाले.

उत्तराखंडचे मुख्यमंत्री पुष्कर सिंह धामी यांनी पूरग्रस्त रामनगर, बाझपूर, किच्छा, सीतारगंज या भागांची हवाई पाहणी केली. यानंतर त्यांनी मुख्यमंत्री धामी यांनी पूरग्रस्त भागातील नागरिकांची भेट घेत त्यांना मदतीचं आश्वासन दिलं. उधम सिंह नगर जिल्ह्यातील रुद्रपूरमधील पूरग्रस्तांना मुख्यमंत्री धामी भेटले. तसंच एनडीआरएफकडून पूरस्थितीची माहिती घेतली.

उत्तराखंडमध्ये पावसामुळे भूस्खलन होऊन एकूण ३५ जणांचा मृत्यू झाला आहे. यातील ६ जणांचा मृत्यू हा सोमवारी झाला होता. नैनीताल विभागात मुसळधार पावसामुळे अनेक ठिाकणी भूस्खलन होऊन अनेक इमारतींचे मोठे नुकसान झाले आहे. नैनीतालमध्ये पूर आणि भूस्खलनामुळे एकूण ३० जणांचा मृत्यू झाला आहे, अशी माहिती नैनीतालचे वरिष्ठ प्रशासकीय अधिकारी अशोक कुमार जोशी यांनी दिली. तर भूस्खलनाच्या घटनेत एकाच कुटुंबातील ५ जणांचा प्रचंड ढिगाऱ्याखाली दबून मृत्यू झाला आहे, अशी माहिती प्रशासनातील अधिकारी प्रदीप जैन यांनी दिली.

अल्मोडा जिल्ह्यात एका घरावर दरड कोसळली. या घटनेत ढिगाऱ्या खाली दबून ५ जणांचा मृत्यू झाला. दोन जिल्ह्यातील दुर्गम भागांमध्ये सोमवारी ६ जणांचा मृत्यू झाला.

दरम्यान, उत्तराखंडमध्ये पावसामुळे अनेक नागरिकांचा मृत्यू झाला आहे. यावर पंतप्रधान मोदींनी शोक व्यक्त केला आहे. तसंच पीडित कुटुंबीयांचं सांत्वन केलं आहे.

uttarakhand rain : देवभूमीत तांडव! उत्तराखंडमध्ये मुसळधार पावसाने २२ जणांचा मृत्यू

आणखी दोन दिवस मुसळधार पावसाचा इशारा

उत्तराखंडमधील अनेक भागांमध्ये सोमवारी १६ इंच पाऊस पडला. यामुळे अनेक ठिकाणी भूस्खलन झाले. दरम्यान, उत्तराखंडच्या काही भागांमध्ये पुढील दोन दिवस मुसळधार पावसाचा इशारा हवामान विभागाने मंगळवारी दिला आहे.

Kerala Rain: केरळमध्ये दहा धरणांसाठी ‘रेड अलर्ट’



Source link

Leave a Reply

Your email address will not be published. Required fields are marked *

%d bloggers like this: