amit shah meets pm modi : अमित शहा पंतप्रधान मोदींना भेटले, मंत्रिमंडळ बैठकीपूर्वी झाली महत्त्वाची चर्चा


नवी दिल्लीः केंद्रीय गृहमंत्री अमित शहा हे पंतप्रधान मोदींची भेट घेण्यासाठी सकाळी त्यांच्या निवासस्थानी दाखल झाले. मंत्रिमंडळाच्या बैठकीपूर्वी पंतप्रधान मोदी आणि अमित शहांमधील ही बैठक अत्यंत महत्त्वाची मानली जातेय. काश्मीर आणि सुरक्षेच्या मुद्द्यावर ही बैठक झाली आहे. यापूर्वी गृहमंत्री अमित शहा यांनी काश्मीरच्या मुद्द्यावर सुरक्षा यंत्रणांसोबत सोमवारी सहा तास बैठक घेतली. छोट्या-छोट्या माहितीवर खबरदारी घेत त्वरित कारवाई करण्याच्या सूचना त्यांनी सर्व यंत्रणांना दिल्या.

काश्मीरमध्ये दहशतवाद्यांनी सामन्या नागरिकांना लक्ष्य केलं आहे. यात अल्पसंख्याक हिंदू आणि शिखांची हत्या करण्यात येत आहे. दहशतवाद्यांना काश्मीरमधील ९० च्या दशकातील परिस्थिती पुन्हा निर्माण करायची आहे. दहशतवाद्यांच्या या भ्याड हल्ल्यांना प्रत्युत्तर देण्यासाठी सुरक्षा यंत्रणांना हाय अलर्टवर ठेवण्यात आले आहे.

गृहमंत्री अमित शहा यांनी मंत्रिमंडळाच्या बैठकीपूर्वी पंतप्रधान मोदींची भेट घेऊन काश्मीरमधील परिस्थिती आणि उचललेल्या पावलांची माहिती दिली. काश्मीरमध्ये सुरक्षा एजन्सी मोठ्या प्रमाणावर दहशतवाद्यांविरोधातील तपास आणि ऑपरेशन तीव्र करणार आहेत. दहशतवादी संघटना नव्या नावाने आणि छोट्या-छोट्या गटांमधून नागरिकांची हत्या करत आहेत. त्यामुळे स्थानिक स्तरावरील सर्व यंत्रणांना संशयितांची ओळख पटवून त्यांना पकडण्याच्या सूचना देण्यात आल्या आहेत.

जम्मू -काश्मीरमध्ये ५ ऑक्टोबरला झालेल्या दोन हत्यांची चौकशी एनआयए करेल. लाल बाजारात माखन लाल बिंद्रू आणि भेलपुरी विक्रेता वीरेंद्र पासवान यांच्या हत्येचा तपास एनआयए करेल. बिंद्रू हे काश्मिरी पंडित होते. तर पासवान हे बिहारचे मजूर होते.

Uttarakhand Rain: उत्तराखंडात जलप्रलय! मोदींनी साधला मुख्यमंत्र्यांशी संवाद

लष्कर प्रमुखांनी पूँछमध्ये सुरक्षेचा आढावा घेतला

जम्मू-काश्मीरसह केरळ, कर्नाटक, तामिळनाडूतूनही केंद्रीय यंत्रणांना दहशतवाद्यांची माहिती मिळत आहे. या पार्श्वभूमीवर केंद्र सरकारने दहशतवाद्यांविरोधात कंबर कसली आहे. जम्मू-काश्मीरमधील सुरक्षेचा आढावा घेण्यासाठी लष्कर प्रमुख जनरल नरवणे हे जम्मूत दाखल झाले.

poonch encounter update : पूँछमध्ये ८ दिवसांत लष्कराचे ९ जवान शहीद; काय आहे कारण? वाचा…

लष्कर प्रमुख जनरल मनोज मुकंद नरवणे यांनी पूँछ जिल्ह्यात प्रत्यक्ष नियंत्रण रेषेवरील आघाडीच्या चौक्यांवरील सुरक्षेचा आढावा घेतला. तसंच जवानांशीही संवाद साधला. अधिकाऱ्यांनी त्यांना दहशतवादविरोधी मोहीमांची माहिती दिली.



Source link

Leave a Reply

Your email address will not be published. Required fields are marked *

%d bloggers like this: