एका व्यक्तीमुळे भारतीय ड्रेसिंग रुममधील वातावरण बदलले; या खेळाडूने केला मोठा खुलासा


दुबई: आयसीसी टी-२० वर्ल्डकपला सुरुवात झाली आहे. भारतीय क्रिकेट संघ २४ ऑक्टोबर रोजी पाकिस्तानविरुद्ध पहिली लढत खेळणार आहे. कर्णधार विराट कोहलीच्या नेतृत्वाखालील ही भारताची अखेरची स्पर्धा असणार आहे. भारताने गेल्या काही वर्षात आयसीसीच्या मोठ्या स्पर्धेचे विजेतेपद मिळवलेले नाही. त्यामुळे यावेळी ते जोरदार तयारी करत आहेत. भारतीय संघातील आघाडीचा फलंदाज केएल राहुल याने संघातील ड्रेसिंग रुममधील वातावरणात फार बदल झाल्याचा खुलासा केला.

वाचा- India vs Australia: विराटला आज अखेरची संधी; भुवीऐवजी शार्दूल खेळणार?

वर्ल्डकपसाठी बीसीसीआयने माजी कर्णधार महेंद्र सिंह धोनीची संघाच्या मार्गदर्शक म्हणून निवड केली आहे. धोनीबद्दल बोलताना केएल राहुल म्हणाला, त्याच्यामुळे ड्रेसिंग रुममध्ये शांतता राहते. पुढील काही दिवसात आम्हाला जे लक्ष्य गाठायचे आहे त्यात धोनीची मेंटॉर म्हणून प्रत्येक सल्ल्याचा फायदा घेणार आहोत. भारताची पहिली लढत पाकिस्तानविरुद्ध होणार आहे. या सामन्यात रोहित शर्मा सोबत राहुल भारतीय डावाची सुरूवात करणार आहे. राहुलच्या मते धोनी पेक्षा उत्तम मेंटॉर कोणी असू शकत नाही.

वाचा- T20 World Cup: भारताविरुद्ध काय असेल पाकिस्तानची रणनिती; झाला मोठा खुलासा

इंग्लंडविरुद्ध झालेल्या सराव सामन्यात राहुलने अर्धशतक झळकावले होते. त्यानंतर एका कार्यक्रमात बोलताना तो म्हणाला, धोनी पुन्हा संघात आल्याने खुप छान वाटत आहे. आम्ही त्याच्या नेतृत्वाखाली खेळलो आहे. तेव्हा तो आमचा कर्णधार होता आता एक मेंटॉर आहे. त्याचे ड्रेसिंग रुममध्ये असने ही भावना छान वाटते. वातावरण शांत राहते. मदतीसाठी सर्व खेळाडू त्याच्याकडे पाहतात.

वाचा- टी-२० वर्ल्डकपमध्ये इतिहास घडला; आजवर कोणालाही जमला नाही हा विक्रम

धोनीच्या नेतृत्वाखाली चेन्नई सुपर किंग्जने नुकत्याच झालेल्या आयपीएल २०२१चे विजेतेपद मिळवले होते. क्रिकेट आणि नेतृत्व कसे करावे यासंदर्भातील प्रत्येक बाजू मी त्याच्याकडून शिकून घेणार असल्याचे राहुलने सांगितले. ते संघातील कोणत्याही खेळाडूला आव्हान देऊ शकतो. चेंडू मैदानाबाहेर घालवणे असो की विकेटच्या दरम्यान पळणे असो, त्याचे संघासोबत असणे खुप चांगले आहे.



Source link

Leave a Reply

Your email address will not be published. Required fields are marked *

%d bloggers like this: