परमबीर सिंग बेपत्ता; राज्य सरकारनं कोर्टात मांडली ‘ही’ भूमिका


हायलाइट्स:

  • सनदी अधिकारी परमबीर सिंग यांचा ठावठिकाणा लागेना
  • राज्य सरकार आक्रमक, कोर्टात घेतली ठाम भूमिका
  • अटक न करण्याची हमी देता येणार नाही – राज्य सरकार

मुंबई: खंडणीचे गुन्हे दाखल झाल्यापासून फरार असलेले मुंबईचे माजी पोलीस आयुक्त परमबीर सिंग (Parambir Singh) यांच्या बाबतीत राज्य सरकारनं आक्रमक भूमिका घेतली आहे. परमबीर सिंग यांच्यावर अटकेची कारवाई न करण्याची हमी यापुढं कायम ठेवता येणार नाही, असं राज्य सरकारनं आज मुंबई उच्च न्यायालयात (Bombay High Court) स्पष्ट केलं.

परमबीर सिंग यांनी माजी गृहमंत्री अनिल देशमुख यांच्यावर १०० कोटींच्या वसुलीचा आरोप केला होता. देशमुख यांनी पोलीस दलातील काही अधिकाऱ्यांना वसुलीचं टार्गेट दिल्याचं त्यांनी म्हटलं होतं. त्यांच्या आरोपांमुळं राजकीय वर्तुळात खळबळ उडाली होती. विरोधकांच्या दबावामुळं अखेर अनिल देशमुख यांना राजीनामा द्यावा लागला. त्यांच्या मागे अद्यापही चौकशी यंत्रणांचा ससेमिरा सुरू आहे. मात्र, देशमुख यांच्यावर आरोप करणाऱ्या परमबीर यांचेही अनेक कारनामे नंतर बाहेर आले. मुंबईसह राज्यातील वेगवेगळ्या पोलीस ठाण्यांमध्ये त्यांच्या विरोधात गुन्हे दाखल करण्यात आले आहेत. पोलीस अधिकारी भीमराज घाडगे यांनीही त्यांच्या विरोधात गुन्हा दाखल केला आहे.

वाचा: ड्रग्जविषयी आर्यन खानची अभिनेत्रीशी चर्चा; व्हॉट्सअ‍ॅप चॅट कोर्टापुढं सादर

घाडगे यांच्या तक्रारीवरून दाखल करण्यात आलेल्या एफआयआरला विरोध करणारी याचिका परमबीर यांच्या वतीनं मुंबई उच्च न्यायालयात दाखल करण्यात आली आहे. त्यावर यापूर्वी झालेल्या सुनावणीच्या वेळी परमबीर यांच्यावर तूर्तास अटकेची कारवाई करणार नसल्याची हमी राज्य सरकारनं दिली होती. मात्र, ते सध्या गायब असल्यानं ही हमी यापुढं कायम ठेवता येणार नाही, असं म्हणणं विशेष सरकारी वकील दरायस खंबाटा यांनी आज मांडलं.

वाचा: आर्यन खान प्रकरणाबद्दल विचारताच जावेद अख्तर यांनी केला ‘हा’ सवाल

खंबाटा यांच्या या भूमिकेला परमबीर यांचे वकील महेश जेठमलानी यांनी आक्षेप घेतला. ‘परमबीर यांना अद्याप फरार घोषित करण्यात आलेलं नाही, याकडं जेठमलानी यांनी लक्ष वेधलं. या प्रकरणावर संध्याकाळी सुनावणी घेतली जाईल, असं खंडपीठानं स्पष्ट केलं.



Source link

Leave a Reply

Your email address will not be published. Required fields are marked *

%d bloggers like this: