दे दणादण… कर्णधार रोहित शर्माची तुफानी फटकेबाजी, विराट कोहलीविना भारताचा ऑस्ट्रेलियावर मोठा विजय


दुबई : विराट कोहलीविनाही भारतीय संघ जिंकू शकतो, हे आजच्या सामन्यात पाहायला मिळाले. रोहित शर्माने भारतीय संघाचे कर्णधारपद सांभाळत दमदार खेळी साकारली. रोहितच्या या धडाकेबाज खेळीच्या जोरावर भारताने ऑस्ट्रेलियावर मोठा विजय साकारला. रोहित शर्मा या सामन्यात निवृत्त झाला. रोहितने निवृत्त होण्यापूर्वी ४१ चेंडूंत पाच चौकार आणि तीन षटाकारांच्या जोरावर ६० धावांची मॅचविनिंग खेळी साकारली. त्यामुळेच भारताला आठ विकेट्स राखून हा सामना जिंकता आला.

ऑस्ट्रेलियाच्या १५३ धावांचा पाठलाग करताना भारताच्या रोहित शर्मा आणि लोकेश राहुल यांनी संघाला चांगली सुरुवात करुन दिली. त्यामुळेच पहिल्या १० षटकांमध्येच भारतीय संघाला ७० धावांचा पल्ला गाठता आले. राहुलच्या रुपात भारताला पहिला धक्का बसला. राहुलने यावेळी ३१ २ चौकार आणि तीन षटकारांच्या जोरावर ३९ धावांची खेळी साकारली. राहुल बाद झाला तरी रोहितने आक्रमक फलंदाजी करणे सोडले नाही आणि त्याने ऑस्ट्रेलियाच्या गोलंदाजांचा चांगलाच समाचार घेतला. रोहितने यावेळी आपले अर्धशतकही पूर्ण केले. रोहितला यावेळी राहुलनंतर सूर्यकुमार यादवची चांगली साथ मिळाली. रोहित आणि सूर्यकुमार या जोडीने ऑस्ट्रेलियाच्या गोलंदाजीवर चांगलाच प्रहार केल्याचे पाहायला मिळाले. त्यामुळेच भारताला हा सामना सहजपणे जिंकता आला. सराव सामन्यात भारताने आता इंग्लंडपाठोपाठ ऑस्ट्रेलियावरही विजय मिळवला आहे.

प्रथम फलंदाजी करणाऱ्या ऑस्ट्रेलियाची भारताने ३ बाद ११ अशी अवस्था केली होती. रवीचंद्रन अश्विनने यावेळी दोन तर रवींद्र जडेजाने यावेळी एक विकेट पटकावली. त्यावेळी भारतीय संघ ऑस्ट्रेलियाला कमी धावांमध्ये बाद करेल, असे वाटत होते. पण यावेळी ऑस्ट्रेलियाच्या स्टीव्हन स्मिथने धडाकेबाज अर्धशतकी खेळी साकारली आणि त्याला ग्लेन मॅक्सवेल व मार्कस स्टॉइनिस यांनी चांगली साथ दिली. स्मिथने यावेळी ४८ चेंडूंत सात चौकारांच्या जोरावर ५७ धावांची खेळी साकारली. स्मिथला यावेळी भुवनेश्वर कुमारने बाद केले. स्मिथ बाद झाल्यावर मॅक्सवेल आणि स्टॉइनिस यांनी आक्रमक फलंदाजी करत संघाला दिडशे धावांचा टप्पा ओलांडून दिला. मॅक्सवेलने यावेळी २८ चेंडूंत पाच चौकारांच्या जोरावर ३७ धावा केल्या, तर स्टॉइनिसने २५ चेंडूंत चार चौकार आणि एका षटकाराच्या जोरावर नाबाद ४१ धावांची खेळी साकारली. त्यामुळेच ऑस्ट्रेलियाला प्रथम फलंदाजी करताना १५२ धावा करता आल्या.



Source link

Leave a Reply

Your email address will not be published. Required fields are marked *

%d bloggers like this: