Arun Valmiki Death: प्रियांका गांधी रात्री उशिरा आग्र्यात पीडित कुटुंबाच्या भेटीला


हायलाइट्स:

  • पीडित कुटुंबीयांच्या भेटीसाठी काँग्रेस महासचिव प्रियांका गांधी
  • बुधवारी प्रियांका गांधींना पुन्हा एकदा अटक आणि सुटका
  • गेल्या १७ दिवसांत प्रियांका गांधींना दुसऱ्यांदा अटक

आग्रा : काँग्रेस महासचिव प्रियांका गांधी बुधवारी रात्री उशिरा आग्र्यात पोहचल्या. पोलीस कोठडीत मृत्यू झालेल्या अरुण वाल्मिकी यांच्या कुटुंबाची त्यांनी भेट घेतली. लखनऊ प्रशासनाकडून चार जणांसहीत आग्र्याला जाण्याची परवानगी मिळाल्यानंतर प्रियांका गांधी सायंकाळी लखनऊहून आग्र्यासाठी निघाल्या होत्या. बुधारी रात्री ११.०० वाजल्याच्या सुमारास त्यांनी आग्र्यात पीडित कुटुंबाची भेट घेतली.

प्रियांका गांधींना १७ दिवसांत दुसऱ्यांदा अटक

या अगोदर, उत्तर प्रदेशात पोलीस कोठडीत मरण पावलेल्या सफाई कर्मचाऱ्याच्या कुटुंबाच्या सांत्वनासाठी जाणाऱ्या काँग्रेसच्या राष्ट्रीय सरचिटणीस प्रियांका गांधी वाड्रा यांना लखनऊ पोलिसांनी बुधवारी अटक केली होती. १७ दिवसांत दुसऱ्यांदा अटक करणाऱ्या उत्तर प्रदेश पोलिसांनी प्रियांका यांना अडीच तास ताब्यात ठेवून नंतर भेटीकरता पुढे जाण्यासाठी परवानगी दिली.

शवविच्छेदनात कुटुंबातील एकाही सदस्याचा समावेश नव्हता. शवविच्छेदन अहवाल कुटुंबाला देण्यात आला नाही. ज्यांना लिहिता – वाचता येत नाही अशा एका भावाकडून सही करून घेण्यात आली. अशा काही गोष्टी घडू शकतात याची मला विश्वासही बसत नाही, असं म्हणत या घटनेत पोलिसांच्या कारवाईवर प्रियांका गांधी यांनी प्रश्नचिन्ह उपस्थित केलंय.

Uttar Pradesh पोलीस कोठडीत मृत्यू : पीडित कुटुंबाच्या भेटीला निघालेल्या प्रियांका गांधींना रोखलं
Uttar Pradesh अरुण वाल्मिकी मृत्यू: पीडित कुटुंबाच्या भेटीला पोहचलेल्या काँग्रेस नेत्याला मारहाण
अटक आणि सुटका

आग्र्यात सफाई कर्मचारी अरुण वाल्मिकीचा पोलीस कोठडीत मृत्यू झाल्यामुळे पीडिताच्या कुटुंबीयांच्या सांत्वनासाठी प्रियांका दिल्लीहून निघाल्या; पण आग्रा एक्सप्रेस-वेच्या टोल नाक्यावरच थांबवून लखनऊ पोलिसांनी त्यांना ताब्यात घेतलं होतं. आग्र्यात ‘कलम १४४’ लागू करण्यात आलं असून, कायदा आणि सुव्यवस्थेची स्थिती बिघडण्याची शक्यता असल्यामुळं त्यांना ताब्यात घेण्यात आल्याचं पोलिसांनी सांगितलं.

या कारवाईदरम्यान उत्तर प्रदेश काँग्रेसचे अध्यक्ष अजयकुमार लल्लू यांच्याशी पोलिसांची धक्काबुक्कीही झाली. यापूर्वी ३ ऑक्टोबर रोजी लखीमपूर खिरीमध्ये भरधाव वाहनाखाली चिरडून ठार झालेल्या शेतकऱ्यांच्या कुटुंबीयांचे सांत्वन करण्यासाठी गेलेल्या प्रियांकांना उत्तर प्रदेश पोलिसांनी अटक करून तब्बल तीन तास स्थानबद्ध केलं होतं.

यावेळी, ‘मृताच्या कुटुंबीयांना भेटायला गेल्यानं कायदा आणि सुव्यवस्था कशी बिघडू शकते?’ असा सवाल करत प्रियांका गांधी यांनी आपला संताप व्यक्त केला.

‘उत्तर प्रदेश सरकारला भीती कशाची आहे? मला का रोखलं जात आहे? आज वाल्मिकी जयंती आहे. पंतप्रधानांनी महात्मा बुद्धावर मोठी भाषणं केली; पण बुद्धाच्या संदेशावर ते हल्ला करत आहेत,’ अशी टीका प्रियांका यांनी सोशल मीडियावरून केली. पोलीस कोठडीत मारहाण करून ठार मारणं हा कुठला न्याय आहे? आग्रा पोलीस कोठडीत अरुण वाल्मिकीच्या मृत्यूची घटना निंदनीय आहे, असंही त्यांनी म्हटलं होतं.

Violence in Bangladesh: बांगलादेश ‘धर्मनिरपेक्ष राष्ट्र’ म्हणून घोषित करावं : विश्व हिंदू परिषदेची मागणी
Karnataka: राहुल गांधी ‘ड्रग अॅडिक्ट’, ‘ड्रग पेडलर’; भाजप नेत्याची वादग्रस्त टिप्पणी

काय आहे प्रकरण?

रविवारी सकाळी झालेल्या २५ लाख रुपयांच्या चोरीच्या आरोपावरून अरुण वाल्मिकीला मंगळवारी अटक करण्यात आली होती आणि त्याच्या घरून १५ लाख रुपये हस्तगत केल्याचा पोलिसांनी दावा केला आहे. मंगळवारी रात्रीच त्याचा पोलीस ठाण्यात मृत्यू झाला. या प्रकरणी पोलीस निरीक्षक, उपनिरीक्षक आणि तीन पोलीस शिपायांना निलंबित करण्यात आलं असून, मृताच्या कुटुंबातील एका व्यक्तीला सफाई कर्मचाऱ्याची नोकरीसह दहा लाख रुपयांच्या भरपाईची घोषणा करण्यात आली आहे.

Delhi Murder: राजधानीत तरुणीचा पाठलाग करून चाकूहल्ला, घटना सीसीटीव्हीत कैद
Madhya Pradesh: पोलिसांवर जळते फटाके फेकले, जबलपूरमध्ये उपद्रवींचा धुमाकूळ



Source link

Leave a Reply

Your email address will not be published. Required fields are marked *

%d bloggers like this: