Avighna Park Fire: …तर एक जीव हकनाक गेला नसता; महापौरांनी व्यक्त केली खंत


हायलाइट्स:

  • मुंबईतील लालबाग परिसरात इमारतीच्या १९ व्या मजल्यावर आग
  • आगीपासून जीव वाचवताना खाली पडून एकाचा मृत्यू
  • महापौर किशोरी पेडणेकर यांनी केली परिस्थितीची पाहणी

मुंबई: लालबागमधील वन अविघ्न पार्क (Avighna Park Fire) इमारतीच्या १९ व्या मजल्यावर लागलेल्या आगीच्या दुर्घटनेत एकाचा मृत्यू झाला आहे. आगीपासून वाचण्याचा प्रयत्न करत असताना खाली पडून त्यांचा मृत्यू झाला. सोसायटीच्या सुरक्षारक्षकांनी प्रसंगावधान दाखवलं असतं तर एक जीव वाचला असता, अशी खंत मुंबईच्या महापौर किशोरी पेडणेकर (Kishori Pednekar) यांनी व्यक्त केली आहे.

किशोरी पेडणेकर यांनी घटनास्थळी जाऊन संपूर्ण परिस्थितीची माहिती घेतली. त्यानंतर त्या बोलत होत्या. ‘एका तरुणाचा हकनाक बळी गेला आहे. हा तरुण बराच वेळ इमारतीच्या बाहेर लटकत होता, अशी माहिती समोर आली आहे. इथल्या सुरक्षारक्षकांनी प्रसंगावधान राखून खाली चादर धरली असती किंवा खाली बिछाने, गाद्या घातल्या असत्या तर कदाचित त्या व्यक्तीचा जीव वाचला असता, असं महापौर म्हणाल्या. ‘इथं सुरक्षारक्षक व इतर मिळून जवळपास २०० कर्मचारी असल्याचं सांगितलं जातं. पण संकटकाळात एखाद्याला वाचवण्याचं प्रशिक्षण त्यांना मिळालेलं दिसत नाही, असं महापौरांनी सांगितलं.

वाचा: नवाब मलिक-वानखेडे वादाबद्दल प्रश्न विचारताच अजित पवार भडकले, म्हणाले…

इमारतीमधील अग्निरोधक यंत्रणेतील त्रुटींबद्दलही महापौरांनी नाराजी व्यक्त केली. ‘येथील अग्निरोधक यंत्रणा प्रचंड स्लो आहे. पार्किंगमधील गाड्या काढण्यात वेळ गेला. अशा परिस्थितीतही अनेक लोकांची सुखरूप सुटका करता आली याचं समाधान आहे, असं महापौर म्हणाल्या. ‘दोन वर्षांपूर्वी सोसायटी बनूनही ती हँडओव्हर केली गेलेली नाही. बिल्डरच्याच ताब्यात आहे. इमारतीतील रहिवाशी आक्रोश करत आहेत. राज्य सरकार आणि महापालिका त्याची योग्य ती दखल घेईल. या आगीची चौकशी करण्यात येईल,’ असं महापौर म्हणाल्या.

Mumbai Fire : मुंबईत ६० मजली इमारतीच्या १९ व्या मजल्यावर भीषण आग; जीव वाचवण्याच्या प्रयत्नात ‘तो’ पडला खाली

अविघ्न इमारतीला दुसऱ्यांदा आग लागली असल्याचं महौपारांच्या निदर्शनास आणून दिल्यानंतर त्या म्हणाल्या, ‘ही आग घरात काही काम सुरू असताना लागली आहे. त्यामुळं त्या बाबतीत सगळ्यांनीच काळजी घ्यायला हवी.’

वाचा: अमोल कोल्हेंनी अमित शहांना दिल्या खास शुभेच्छा; व्हिडिओ देशभर व्हायरल



Source link

Live Sachcha Dost TV

Leave a Reply

Your email address will not be published. Required fields are marked *

%d bloggers like this: