स्मार्ट गुंतवणूक; मल्टी असेट श्रेणीत ‘या’ योजनेने दिला दमदार परतावा


हायलाइट्स:

  • म्युच्युअल फंडाच्या मल्टी असेट श्रेणीने गेल्या एक, दोन आणि पाच वर्षांत गुंतवणूकदारांना चांगला परतावा दिला आहे.
  • यात सर्वाधिक परतावा आयसीआयसीआय प्रुडेन्शियलच्या मल्टी असेट फंडाने दिला आहे.
  • भारतीय शेअर बाजार सध्या ६१ हजार अंकांच्या आसपास व्यवहार करीत आहे.

मुंबई : म्युच्युअल फंडाच्या मल्टी असेट श्रेणीने गेल्या एक, दोन आणि पाच वर्षांत गुंतवणूकदारांना चांगला परतावा दिला आहे. यात सर्वाधिक परतावा आयसीआयसीआय प्रुडेन्शियलच्या मल्टी असेट फंडाने दिला आहे. या फंडाने एक, दोन आणि ५ वर्षांत अनुक्रमे ६४.८%, २५.६८% आणि १४.९५% परतावा दिला आहे.

‘SBI’ची बंपर ऑफर; बाजारभावापेक्षा कमी किंमतीत फ्लॅट खरेदीची संधी, कशी ते जाणून घ्या
भारतीय शेअर बाजार सध्या ६१ हजार अंकांच्या आसपास व्यवहार करीत आहे. गेल्या ४ दिवसांत यात अस्थिरता पाहावयास मिळाली आहे. असेट अलोकेशन (मालमत्ता वाटप)बाबत गुंतवणूकदारांनी सावधता बाळगावी असा सल्ला गेल्या काही महिन्यांपासून बाजारातील तज्ज्ञ देत आहेत. अशा परिस्थितीत, मल्टी असेट फंड गुंतवणूकदारांसाठी एक चांगला पर्याय घेऊन येतात.

फिनो पेमेंट्स बँंकेचा IPO ; गुंतवणूक करण्यापूर्वी जाणून घ्या पूर्ण योजनेचा पूर्ण तपशील
असेट अलोकेशनसाठी एक संयुक्त धोरण असणे आवश्यक असल्याचे ब्रिजवाटर असोसिएटचे संस्थापक आणि हेज फंड गुंतवणूकदार रे डालियो सांगतात. गुंतवणूकदारांकडे संतुलित, संरचित पोर्टफोलिओ असावा. एक असा पोर्टफोलिओ जो वेगवेगळ्या वातावरणात चांगली कामगिरी करेल. पैशांची गुतंवणूक अनेक क्षेत्र आणि अनेक समभागांमध्ये करायला हवी. अर्थलाभ डॉटकॉमच्याआकडेवारीनुसार आयसीआयसीआय प्रुडेन्शियल मल्टी असेट फंडाव्यतिरिक्त ऍक्सिसच्या ट्रिपल ऍडव्हान्टेज फंडाने एका वर्षात ४१.२६% परतावा दिला आहे. दोन आणि पाच वर्षांत अनुक्रमे या फंडाने २२.२३% आणि १३.३४% परतावा दिला आहे. एचडीएफसी मल्टी असेट फंडाने एक, दोन आणि पाच वर्षांत अनुक्रमे ३१.०२%, २१.०१%, ११.११% तर एसबीआय मल्टी असेट फंडाने समान कालावधीत अनुक्रमे २२.७८%, १४.८८% आणि ९.८९% परतावा दिला आहे.

श्रीलंकेच्या तिजोरीत खडखडाट; भारताकडे मागितले ५० कोटी डॉलरचे कर्ज, हे आहे कारण
युटीआय मल्टी असेट फंडाने एक वर्षात २१.११%, दोन वर्षांत १४.१०% तर ५ वर्षांत ८.१९% परतावा दिला आहे. सेबीच्या नियमांनुसार, मल्टी असेट फंडाने तीन किंवा अधिक मालमत्ता वर्गांमध्ये किमान १०% गुंतवणूक केली पाहिजे. आयसीआयसीआय प्रुडेन्शियलचा हा फंड १०-८०% गुंतवणूक इक्विटीमध्ये, १०-३५% गुंतवणूक डेटमध्ये, १०-३५% गुंतवणूक गोल्ड ईटीएफमध्ये तर ०-१०% गुंतवणूक रियल इस्टेट इन्व्हेस्टमेंट ट्रस्ट (रिट) आणि इन्फ्रा इन्व्हेस्टमेंट ट्रस्ट (इन्व्हिट्स)मध्ये करतो.

मिश्र मालमत्ता वर्गातील गुंतवणुकीद्वारे फंड हाऊसेस या श्रेणीमध्ये चांगली कामगिरी करू शकतात. मल्टी असेट श्रेणी आणि अन्य फंडांच्या तुलनेत आयसीआयसीआय प्रुडेन्शियलचा परतावा चांगला राहिला आहे. आयसीआयसीआय प्रुडेन्शियलचा मल्टी असेट फंड ऑक्टोबर २००२ मध्ये सुरु करण्यात आला होता. यांची नेट असेट व्हॅल्यू म्हणजेच एनएव्ही जवळपास ३९ पट वाढली आहे. म्हणजेच १० रुपयांची गुंतवणूक १९ वर्षांत ३९० रुपये झाली आहे. जर एखाद्या गुंतवणूकदाराने एसआयपीच्या माध्यमातून १० हजार रुपयांची गुंतवणूक केली असेल तर गुंतवलेल्या २२.८ लाखांचे आज आज १.५७ करोड रुपये झाले असतील.

अर्थलाभ डॉटकॉमच्या आकडेवारीनुसार, या योजनेने ५ आणि १० वर्षात कधीही नकारात्मक परतावा दिलेला नाही. आयसीआयसीआय प्रुडेन्शियलच्या योजनेने सप्टेंबर २०२१ पर्यंत ६३.६% गुंतवणूक इक्विटीमध्ये केली आहे. या पोर्टफोलिओच्या शीर्ष चार सेक्टर्समध्ये ऑटो, पॉवर, टेलिकॉम आणि मेटल्सचा समावेश आहे. सध्याच्या बाजार वातावरणात ही योजना इक्विटीमध्ये १०-८०% गुंतवणूक करते. तर सामान्य परिस्थितीत हे प्रमाण ६५-७५% असते.



Source link

Leave a Reply

Your email address will not be published. Required fields are marked *

%d bloggers like this: