कमॉडिटी बाजारात तेजी ; सणासुदीत सोने झळाळले, गाठला दोन महिन्यांतील उच्चांकी दर


हायलाइट्स:

  • आज सोमवारी सोने आणि चांदीमध्ये जवळपास ३०० रुपयांची वाढ झाली.
  • सोन्याचा भाव पुन्हा ४८ हजारांवर गेला.
  • सोन्याने मागील दोन महिन्यातील उच्चांकी दर गाठला.

मुंबई : दसऱ्यापासून सराफा बाजारात उत्साही वातावरण निर्माण झाले आहे. सोन्याचा भाव गेल्या महिन्याच्या तुलनेत कमी असल्याने ग्राहक देखील सराफा पेढींवर गर्दी करू लागले आहेत. आज सोमवारी सोने आणि चांदीमध्ये जवळपास ३०० रुपयांची वाढ झाली. सोन्याचा भाव पुन्हा ४८ हजारांवर गेला. सोन्याने मागील दोन महिन्यातील उच्चांकी दर गाठला.

चार सत्रांनंतर पडझड थांबली; आज सेन्सेक्स-निफ्टी वधारले, या शेअरमध्ये तेजीची लाट
सध्या मल्टी कमॉडिटी एक्सचेंजमध्ये १० ग्रॅम सोन्याचा भाव ४८१४० रुपये इतका वाढला आहे. त्यात ३४३ रुपयांची वाढ झाली आहे. तत्पूर्वी सोने ४८१६० रुपयांपर्यंत वाढले होते. आज एक किलो चांदीचा भाव ६६०७० रुपये असून त्यात ४१४ रुपयांची वाढ झाली आहे.
स्मार्ट गुंतवणूक; मल्टी असेट श्रेणीत ‘या’ योजनेने दिला दमदार परतावा
Goodreturns या वेबसाईटनुसार आज सोमवारी मुंबईत २२ कॅरेट सोन्याचा भाव ४६७६० रुपये आहे. २४ कॅरेटचा भाव ४७७६० रुपये इतका वाढला आहे. त्यात १०० रुपयांची वाढ झाली. आज दिल्लीत २२ कॅरेट सोन्याचा भाव ४७००० रुपये आहे. २४ कॅरेटसाठी सोन्याचा भाव ५१२५० रुपये इतका वाढला आहे. आज चेन्नईत २२ कॅरेटसाठी ४५१८० रुपये तर २४ कॅरेट सोन्याचा भाव ४९२८० रुपये इतका वाढला आहे. कोलकात्यात आज २२ कॅरेट सोन्याचा भाव ४७४०० रुपये असून २४ कॅरेट सोन्याचा भाव ५०१०० रुपये इतका वाढला आहे. त्यात रविवारच्या तुलनेत ३९० रुपयांची वाढ झाली.

आयटी क्षेत्रात गुंतवणूक संधी; बिर्ला म्युच्युअल फंडाचा ‘निफ्टी आयटी ईटीएफ’ खुला
दसऱ्यानंतर बाजारात ग्राहकांची रेलचेल वाढते. लग्नरसराईची खरेदी करण्यासाठी ग्राहक बाजारात येतो. त्यामुळे सराफा बाजारात मागील आठवडाभरापासून उत्साही वातावरण आहे. सोन्याचा भाव वाढण्यास हे एक कारण असल्याचे कमॉडिटी विश्लेषकांचे म्हणणे आहे.

अमेरिकन अर्थव्यवस्था पूर्वपदावर येत आहे. सप्टेंबरमध्ये विक्रीची आकडेवारी अपेक्षेपेक्षा चांगली असल्याने बॉण्ड यिल्डमध्ये मोठी वाढ झाल्याचे दिसून आले. आज सोने ०.३ टक्क्यांनी वधारून १७९८.५१ डॉलर प्रती औंस झाले. चांदीमध्ये देखील ०.७ टक्क्यांची वाढ झाली असून प्रती औंस चांदीचा भाव २४.४८ डॉलर झाला आहे. नजीकच्या काळात सोन्यामध्ये तेजी कायम राहण्याची शक्यता आहे. सोन्याचा भाव १८०० डाॅलरच्या आसपास राहील, असा अंदाज जाणकारांनी व्यक्त केला आहे.



Source link

Leave a Reply

Your email address will not be published. Required fields are marked *

%d bloggers like this: