पाकिस्तानच्या विजयावर भारतात फटाके फोडले; क्रिकेटपटूने दिले उत्तर


नवी दिल्ली: युएईमध्ये सुरू असलेल्या आयसीसी टी-२० वर्ल्डकपमध्ये पाकिस्तानकडून झालेल्या पराभवानंतर भारतात काही जणांनी फटाके फोडले. भारताचा माजी सलामीवीर विरेंद्र सेहवागने ही गोष्टी सोशल मीडियावर शेअर केली. यावर गौतम गंभीरने मोठे विधान केले आहे.

वाचा- T20 World Cup: पुढच्या सर्व लढती करो वा मरो, टीम इंडियात मोठे बदल; पाहा कोणाला मिळू शकतो डच्चू

काल रविवारी दुबईत झालेल्या सामन्यात पाकिस्तानने भारताचा १० विकेटनी पराभव केला. वर्ल्डकपमधील त्याचा भारताविरुद्धचा पहिला विजय ठरला. भारताच्या या पराभवानंतर देशात काही जणांनी फटाके फोडले. ही गोष्ट सेहवागने सोशल मीडियावर शेअर केली. पाकिस्तानच्या विजयाबद्दल भारतात फटाके फोडणाऱ्यांबद्दल सेहवाग आणि गंभीर यांनी लाजीरवाणे म्हटले आहे. गंभीरने यावर तीव्र शब्दात नाराजी व्यक्त केली. ज्यांनी भारताच्या पराभवानंतर फटाके फोडले आहेत ते भारतीय असू शकत नाहीत. आम्ही आमच्या खेळाडूंसोबत आहोत.

वाचा- पाकिस्तानने बिघडवलं भारताचं गणित; उपांत्य फेरी गाठणे अवघड

सेहवागने पोस्ट शेअर करताना असा देखील टोमणा मारला होता की ज्यांनी या सामन्यानंतर फटाके फोडले त्यांनी क्रिकेटच्या विजयाबद्दल आनंद साजला केला असेल. पण आता फटाके फोडले तर दिवाळीत फोडण्यास काय नुकसान आहे.

वाचा- Video: हा तर इस्लामचा हिंदूंवरील विजय; पाकिस्तान गृहमंत्र्यांचे द्वेष पसरवणारे वक्तव्य

काय म्हणाला सेहवाग

सोमवारी सकाळी सेहवागने एक ट्विट केले होते. त्यात तो म्हणाला की, दीवाळीच्या काळात फटाके फोडण्यास बंदी आहे. पण काल भारतात काही भागात पाकिस्तानच्या विजयानंतर फटाके फोडले. कदाचित ते क्रिकेटच्या विजयाचा आनंद घेत असतील. तर मग दिवाळीत फटाके फोडले तर काय नुकसान आहे. अशा दुटप्पी लोकांना तेव्हाच ज्ञान आठवते.

सेहवागच्या या ट्वीटनंतर अनेकांनी त्याचे समर्थन केले. काहींनी पाकिस्तानच्या विजयावर फटाके फोडणाऱ्यांचे व्हिडिओ देखील शेअर केले. अर्थात या व्हिडिओची सत्यता तपासली गेली नाही.

आयसीसी वर्ल्डकपच्या इतिहासात पाकिस्तानने काल प्रथमच भारताचा पराभव केला. दुबईत झालेल्या सामन्यात पाकिस्तानने टॉस जिंकून भारताला फलंदाजी करण्यास सांगितले. विराटच्या अर्धशतकाच्या जोरवर भारताने १५१ धावा केल्या. त्यानंतर पाकने बाबर आझम आणि मोहम्मद रिझवान यांच्या नाबाद भागिदारीच्या जोरावर मॅच जिंकली.



Source link

Leave a Reply

Your email address will not be published. Required fields are marked *

%d bloggers like this: