प्रभाकर साईलनं पैशांसाठी समीर वानखेडेंवर आरोप केले?; भाजप नेत्याने केले स्टिंग ऑपरेशन


हायलाइट्स:

  • आर्यन खान ड्रग्ज केस प्रकरणात धक्कादायक ट्विस्ट
  • भाजप नेते मोहित कंबोजनं पोस्ट केला व्हिडिओ
  • प्रभाकर साईलच्या दाव्यावरुन केलं स्टिंग ऑपरेशन

मुंबईः कोर्डेलिया क्रुझ ड्रग्ज (Drugs on cruise ship case) प्रकरणानं आता राजकीय वळण घेतलं असल्याचं चित्र आहे. महाविकास आघाडीचे नेते व भाजप पुन्हा एकदा आमनेसामने आले आहेत. राष्ट्रवादी काँग्रेसचे नेते नवाब मलिक (Nawab Malik) यांनी याप्रकरणात अनेक गौप्यस्फोट केले आहेत. त्यानंतर मलिकांच्या आरोपांनी प्रत्युत्तर देत भाजप नेते मोहित कंबोज (Mohit Kamboj) यांनीही एक व्हिडिओ पोस्ट केला आहे.

भाजप नेते मोहित कंबोज यांनी एक व्हिडिओ ट्वीट केला आहे. मोहित कंबोज यांनी स्टिंग ऑपरेशन केल्याचं म्हटलं आहे. यात प्रभाकर साईल यानं किरण गोसावीकडे पैशांची मागणी केली होती आणि त्यानं ते दिलं नाहीत म्हणूनच प्रभाकर साईल आता आरोप करतोय, असं या व्हिडिओत म्हटलं आहे. दरम्यान, महाराष्ट्र टाइम्स या स्टिंग ऑपरेशनची पुष्टी करत नाही.

स्टिंग ऑपरेशनचा व्हिडिओ बाजप नेता मोहित कंबोज यांनी ट्विटरवर शेअर केला आहे. या व्हिडिओत रामजी गुप्ता नावाचा नोटरी करणारा एक व्यक्ती बोलत असल्याचं दिसतं आहे. यात किरण गोसावीकडून प्रभाकर साईल यांनं पैशांची मागणी केली होती. कारण प्रभाकर हा किरण गोसावी याचा बॉडीगार्ड होता. त्याला सोबत घेऊनंच हे करण्यात आलं. असं या व्हिडिओत ऐकू येत आहे.


वाचाः
फरार किरण गोसावीला अटक होणार?; पुणे पोलिसांचे पथक लखनऊला रवाना

दरम्यान, या प्रकरणात नवाब मलिक यांनी आणखी एक गौप्यस्फोट केला आहे. एनसीबीच्या एका अज्ञात अधिकाऱ्याने पाठवेलेले पत्र नवाब मलिक यांनी प्रसिद्ध केलं आहे. एनसीबीमधील एका अधिकाऱ्याने पाठवलेल्या निनावी पत्रामधील मजकर येथे आहे. एक जबाबदार नागरिक म्हणून मी हे पत्र डीजी नार्कोटिक्स यांना पाठवणार आहे. आता समीर वानखेडेच्या चौकशीमध्ये हे पत्र समाविष्ट करण्याची विनंती केली आहे, असं ट्वीट नवाब मलिक यांनी केलं आहे.

वाचाः आर्यनच्या जामीनासाठी वकिलांची फौज; आता ‘हे’ नवे वकील लढणार केस

प्रभाकर साईलनं काय आरोप केले होते?

पंच साक्षीदार म्हणून कोऱ्या कागदावर सह्या घेतल्या, असा गौप्यस्फोट प्रभाकर साईलने केला होता. तसंच, आर्यन खावला सोडवण्यासाठी शाहरुखकडे २५ कोटींची मागणी करण्यात आली. किरण गोसावी शाहरुखची मॅनेजर पूजा ददलानीच्या संपर्कात होते, असा दावा प्रभाकर साईलनं केला आहे.

वाचाः लवकरच ‘स्पेशल २६’ रिलीज करतोय; मलिक कोणता गौप्यस्फोट करणार?



Source link

Leave a Reply

Your email address will not be published. Required fields are marked *

%d bloggers like this: