भाजप मंत्र्याच्या इशाऱ्यानंतर Dabur ने ‘ती’ वादग्रस्त जाहिरात हटवली


नवी दिल्लीः डाबर कंपनीने आपली वादग्रस्त फेम ब्लीच जाहिरात मागे ( Dabur Withdrawn Fem’s Karwachauth ad ) घेतली आहे. या जाहिरातीवरून सोशल मीडियावर जोरदार टीका झाली होती. यानंतर कंपनीने ती जाहिरात काढून टाकण्याचा निर्णय घेतला आहे. डाबरच्या या जाहिरातीमध्ये समलिंगी जोडप्याला करवाचौथ साजरा करताना दाखवण्यात आलं होतं. यानंतर अनेकांनी संताप व्यक्त केला. तसंच मध्य प्रदेश सरकारकडूनही या जाहिरातीवर आक्षेप घेण्यात आला आणि तक्रार करण्यात आली होती. मध्य प्रदेशचे गृहमंत्री नरोत्तम मिश्रा यांनीही या जाहिरातीवर तीव्र आक्षेप घेत कारवाईचा इशारा दिला होता. यानंतर डाबर कंपनीने ही जाहिरात हटवली आहे. नागरिकांच्या भावना दुखावल्याबद्दल कंपनीने माफीही मागितली आहे.

कंपनीने ट्विट करून माफी मागितली

डाबर कंपनीने मंगळवारी एक निवेदन जारी करून जाहिरात मागे घेतल्याची माहिती दिली. “फेम करवाचौथ कॅम्पेन सर्व सोशल मीडिया हँडवरून मागे घेण्यात येत आहे. अनावधानाने नागरिकांच्या भावना दुखावल्याबद्दल आम्ही बिनशर्त माफी मागतो, असं डाबर कंपनीने ट्विटमध्ये म्हटलं आहे.
‘डाबर आणि फेम समानता आणि विविधतेच्या समावेशावर विश्वास ठेवतात. आम्हाला त्यांचा अभिमान आहे. पण प्रत्येकजण आमच्याशी सहमत होऊ शकत नाही, हे आम्ही समजतो. आम्ही मतभेदाचा आदर करतो आणि कोणाच्याही श्रद्धा, भावना, परंपरा आणि धार्मिक मूल्ये दुखावण्याचा आमचा हेतू नाही. अनावधानाने कोणाच्या किंवा संस्थेच्या भावना दुखावल्या गेल्या असतील तर त्याबद्दल आम्ही दिलगीर आहोत. या कॅम्पेनमध्ये ज्यांनी आम्हाला साथ दिली त्यांचेही आम्ही आभार मानतो, असंही डाबर कंपनीने दुसऱ्या एका ट्विटमध्ये स्पष्ट केलं आहे.

डाबर कंपनीची ही जाहिरात तात्काळ हटवण्याची मागणी मध्य प्रदेशचे गृहमंत्री नरोत्तम मिश्रा यांनी केली होती. तसंच डीजीपींना या प्रकरणाची चौकशी करण्याचे निर्देश दिले होते. ‘ही अतिशय गंभीर बाब आहे. कारण यामध्ये हिंदू सणांचा आधार घेण्यात आला आहे. जाहिरातील एका समलिंगी जोडप्याला करवाचौथ साजरा करताना दाखवण्यात आलं आहे. पुढील काळात दोन पुरुषांना फेरे घेतानाही दाखवलं जाईल. ही जाहिरात आक्षेपार्ह आहे, असं गृहमंत्री मिश्रा म्हणाले. तसंच डाबरने करवाचौथ साजरी करणाऱ्या समलिंगी जोडप्याची जाहिरात मागे न घेतल्यास डाबरवर कायदेशीर कारवाई केली जाईल, असा इशाराही गृहमंत्री नरोत्तम मिश्रा यांनी दिला होता.

Ashram 3 Controversy: स्क्रिप्ट वाचल्यानंतरच चित्रिकरणाला परवानगी देणार, साध्वींची नवी ‘सेन्सॉरशीप’

sameer wankhede : समीर वानखेडेंची दोन तास झाली चौकशी; NCB मुख्यालयातून बाहेर पडले

डाबरच्या जाहिरातीमधील एक क्षण…



Source link

Live Sachcha Dost TV

Leave a Reply

Your email address will not be published. Required fields are marked *

%d bloggers like this: