ऐन दिवाळीत महागाईचा आगडोंब ; दोन दिवसांनंतर पुन्हा पेट्रोल-डिझेल महागले


हायलाइट्स:

  • मागील दोन दिवस पेट्रोल आणि डिझेल दर स्थिर ठेवण्यात आले होते.
  • दुसऱ्या बाजूला जागतिक कमॉडिटी बाजारात कच्च्या तेलाचा भाव ८६ डॉलरवर गेला.
  • परिणामी पेट्रोलियम कंपन्यांनी आज पुन्हा एकदा इंधन दरवाढ केली आहे.

मुंबई : ऐन दिवाळीत महागाईचा आगडोंब उसळण्याची शक्यता आहे. कारण पेट्रोलियम कंपन्यांनी पुन्हा एकदा इंधन दरवाढ केली आहे. आज देशभरात पेट्रोल आणि डिझेल प्रत्येकी ३५ पैशांनी महागले. यामुळे ऐन दिवाळीत माल वाहतूक आणि सार्वजनिक वाहतुकीच्या दरांत वाढ होण्याची शक्यता जाणकारांनी व्यक्त केली आहे.

मागील दोन दिवस पेट्रोल आणि डिझेल दर स्थिर ठेवण्यात आले होते. तर दुसऱ्या बाजूला जागतिक कमॉडिटी बाजारात कच्च्या तेलाचा भाव ८६ डॉलरवर गेला असल्याने कंपन्यांवरील आयातीचा बोजा वाढला.

दुसऱ्या तिमाहीत दमदार कामगिरी; आदित्य बिर्ला सनलाईफ एएमसीला १७३ कोटींचा नफा
आजच्या दरवाढीनंतर मुंबईत एक लीटर पेट्रोलचा भाव ११३.७६ रुपये झाला आहे. दिल्लीत पेट्रोल १०७.९४ रुपये इतके वाढले आहे. चेन्नईत पेट्रोलचा भाव १०४.७० रुपये आहे. कोलकात्यात एक लीटर पेट्रोल १०८.४१ रुपये आहे. भोपाळमध्ये साध्या पेट्रोलचा भाव ११६.५८ रुपये असून बंगळुरात पेट्रोल १११.६६ रुपये आहे.

शेअर बाजारातल्या तेजीचं गारुड! सात महिन्यात एक कोटी नव्या गुंतवणूकदारांचे सीमोल्लंघन
मुंबईत एक लीटर डिझेलचा भाव १०४.७१ रुपये इतका वाढला आहे. दिल्लीत डिझेल ९६.६८ रुपये इतके वाढले आहे. चेन्नईत १००.८९ रुपये आणि कोलकात्यात डिझेलचा भाव ९९.७५ रुपये प्रती लीटर इतका आहे. भोपाळमध्ये डिझेलचा भाव १०५.९७ रुपये असून बंगळुरात डिझेल १०२.५७ रुपये आहे.

नामांकित ग्लोबल कंपन्यामध्ये गुंतवणूक संधी; बिर्ला म्युच्युअल फंडाने सादर केली ‘ही’ योजना
ऑक्टोबरमध्ये पेट्रोल ६.७५ रुपयांनी महागले आहे तर मागील २७ दिवसांत डिझेल ८.०५ रुपयांनी महागले आहे. पेट्रोलच्या तुलनेत डिझेल दरात मोठी वाढ झाली आहे. पेट्रोल आणि डिझेलमध्ये तफावत झपाट्याने कमी होत आहे.

सराफा बाजारात तेजी; सलग दुसऱ्या दिवशी सोने महागले, जाणून घ्या भाव
देशातील ८ राज्यांमध्ये पेट्रोल १०० रुपयांवर गेले आहे. यात मध्य प्रादेज, राजस्थान, महाराष्ट्र, आंध्र प्रदेश, तेलंगणा, कर्नाटक, ओदिशा, जम्मू-कश्मीर आणि लडाखमध्ये पेट्रोलने केव्हाच शंभरी ओलांडली आहे. तर मुंबई आणि चेन्नई या शहरात डिझेल १०० रुपयांवर विक्री होत आहे.

कच्च्या तेलाचा भाव सात वर्षांच्या उच्चांकी पातळीवर
आज जागतिक कमॉडिटी बाजारात ब्रेंट क्रूडचा भाव ०.५ टक्क्यांनी वधारला आणि ८६.४० डॉलर प्रती बॅरल झाला. यूएस क्रूडचा भाव ८६ डॉलर प्रती बॅरल आहे. डब्ल्यूटीआय क्रूडचा भाव १.१ टक्क्याच्या वाढीसह ८४.६५ डॉलर प्रती बॅरल इतका वाढला. उत्पादन कमी असल्याने कच्च्या तेलाचा भाव ८६ डॉलर पुढे गेला आहे. २०१४ नंतर तेलाचा हा सर्वाधिक दर आहे.



Source link

Leave a Reply

Your email address will not be published. Required fields are marked *

%d bloggers like this: