समीर वानखेडेंवरील आरोपांची चौकशी सुरू असतानाच जयंत पाटील यांचं मोठं विधान


हायलाइट्स:

  • जयंत पाटील यांनी घेतली दापोलीत पत्रकार परिषद
  • समीर वानखेडे प्रकरणावर मांडली ठाम भूमिका
  • एनसीबीनं खऱ्या गोष्टींचा तपास करावा – जयंत पाटील

रत्नागिरी: आर्यन खान ड्रग्ज प्रकरणात बनावट कारवाई व खंडणी वसुलीचे आरोप झालेले एनसीबीचे विभागीय संचालक समीर वानखेडे यांची एनसीबीच्या दक्षता समितीनं चौकशी सुरू केली आहे. त्या पार्श्वभूमीवर राष्ट्रवादी काँग्रेसचे प्रदेशाध्यक्ष तथा जलसंपदा मंत्री जयंत पाटील यांनी अत्यंत महत्त्वाचं विधान केलं आहे. (Jayant Patil on Sameer Wankhede Inquiry)

दापोली इथं ते पत्रकार परिषदेत बोलत होते. ‘एनसीबीची टीम वानखेडेंच्या चौकशीसाठी आलीय. वानखेडेंची चौकशी करतेय. वानखेडे यांचा जन्माचा दाखला व IRS मध्ये जो प्रवेश घेतला, तो कोणत्या जातीच्या आधारावर घेतला, हे सगळं लवकरच समोर येईल, फसवणूक कुणी केली व कशी केली याचा खुलासा देखील लवकरच होईल. चौकशीसाठी आलेली एनसीबीची टीम खऱ्या गोष्टींची चौकशी करेल, अशी अपेक्षा आहे. ही टीम चुकांवर पांघरूण घालण्यासाठी आली नसावी,’ असा टोलाही जयंत पाटील यांनी लगावला.

वाचा: ‘किरण गोसावी कात्रजमधील एका लॉजमध्ये होता, ‘या’ नावानं राहत होता’

ड्रग्ज प्रकरणात नवाब मलिक यांनी घेतलेल्या भूमिकेचं जयंत पाटील यांनी कौतुक केलं. ‘नवाब मलिक हे सत्य गोष्टी समोर आणत आहेत. पुराव्यानिशी ते सत्य मांडत आहेत. केंद्राच्या या यंत्रणा चुका करून देशाची दिशाभूल करत आहेत. देशातील नागरिकांना छळण्यासाठी, बदनाम करण्यासाठी व अनेक दिवस तुरुंगात ठेवण्यासाठी एनसीबीचा वापर होतोय हे आता समोर येत आहे. आज शाहरुख खानच्या मुलाच्या बाबतीत जे घडलंय, ते याआधी इतरांच्या बाबतीतही झालं असेल. त्यामुळं या सर्व प्रकरणाची सखोल चौकशी व्हावी, अशी मागणीही जयंत पाटील यांनी केली.

वाचा: क्रांती रेडकर हिचं मुख्यमंत्र्यांना पत्र; म्हणाली, आज बाळासाहेब असते तर…



Source link

Leave a Reply

Your email address will not be published. Required fields are marked *

%d bloggers like this: