टी-२० वर्ल्डकपच्या मॅच जिंकण्याचा फॉर्म्युला अखेर सापडला, फक्त ही एकच गोष्ट करावी लागणार…


नवी दिल्ली : ट्वेन्टी-२०विश्वचषकात जर सामना जिंकयचा असेल तर त्यासाठी आता एक नवीन फॉर्म्युला सापडला आहे. पण हा फॉर्म्युला यशस्वी होण्यासाठी एक गोष्ट मात्र संघांना करावी लागणार आहे.

विश्वचषकात बुधवारपर्यंत ९ सामने झाले होते, या ९ पैकी ८ संघांनी नाणेफेक जिंकली आहे. बांगलादेश विरुद्ध इंग्लंड सामन्याबद्दल बोलायचे झाले, तर बांगलादेशने नाणेफेक जिंकली, पण सामना जिंकता आला नाही. त्याचप्रमाणे स्कॉटलंड विरुद्ध अफगाणिस्तान सामन्यात अफगाणिस्तानने नाणेफेक जिंकून प्रथम फलंदाजी करत स्कॉटलंडचा पराभव केला. यूएईमध्ये सुरू असलेल्या टी-२० विश्वचषकात हवामान महत्वाची भूमिका बजावत आहे. कारण तेथे हवामान २५ अंश ते ३० अंश सेल्सियसपर्यंत आहे. म्हणजेच जास्त थंडी किंवा जास्त उष्णताही नाही. संध्याकाळी दव पडायला सुरुवात होते. दवामुळे गोलंदाजी करणे अत्यंत कठीण होत आहे. याचे जिवंत उदाहरण म्हणून भारत-पाकिस्तान सामन्याकडे पहा. पाकिस्तानने नाणेफेक जिंकून प्रथम गोलंदाजी करण्याचा निर्णय घेतला. जेव्हा सामना सुरू होतो, तेव्हा त्या वेळी फारसे दव नसते, पण जसजसा वेळ जातो तसतसे दव खूप पडू लागते.

दवानं वाढवलं टेन्शन
दव हे संघांसाठी मोठे टेन्शन म्हणून समोर येत आहे. सायंकाळी जसजसा उशिरा होईल, तसे दव अधिकाधिक पडू लागते. भारत-पाकिस्तान सामन्यानंतर कर्णधार कोहलीनेही हे सांगितले होते. तो म्हणाले होता की, तुम्हाला हे कारण ऐकायला छोटे वाटत असले, पण तसे ते खूप मोठे कारण आहे. दवामुळे गोलंदाजांची अडचण होत आहे. फुल लेन्थ गोलंदाजी करणाऱ्या वेगवान गोलंदाजांवर याचा विशेष परिणाम होत आहे. दव पडल्यामुळे चेंडू गुळगुळीत होतो आणि मग गोलंदाजाला हवा तसा चेंडू टाकता येत नाही. चेंडू हातातून निसटतो. हे शमी आणि बुमराहसोबत घडताना पाकिस्तानच्या सामन्यादरम्यान पाहिले आहे. शमीला जेव्हा जेव्हा फुल लेन्थ बॉलिंग करायची होती, तेव्हा बॉल फुल टॉस जात होता.

दवामुळे गोलंदाज त्रस्त
२४ ऑक्टोबर रोजी भारत आणि पाकिस्तान यांच्यात टी-२० विश्वचषक सामना खेळला गेला. या सामन्यात भारताला दारुण पराभवाला सामोरे जावे लागले. भारतीय संघ पाकिस्तानची एकही विकेट घेऊ शकला नाही. आता भारताचा पुढचा सामना न्यूझीलंडशी होणार आहे. दुबईत संघांसाठी दव ही सर्वात मोठी समस्या आहे. हे केवळ भारतासोबतच नाही, तर प्रत्येक संघासोबत घडत आहे. नाणेफेक जिंकल्यानंतर संघांना प्रथम गोलंदाजी करायची आहे, जेणेकरून त्यांना दवापासून थोडीशी सुटका मिळेल.

आतापर्यंत निकाल काय सांगतात
अफगाणिस्तान हा एकमेव संघ आहे, ज्याने नाणेफेक जिंकून प्रथम फलंदाजी करण्याचा निर्णय घेतला आणि सामना देखील जिंकला. तर बांगलादेशने इंग्लंडविरुद्ध नाणेफेक जिंकून फलंदाजीचा निर्णय घेतला, पण सामना गमावला. उर्वरित सात सामन्यांमध्ये संघ प्रथम क्षेत्ररक्षण करत असून निकाल त्यांच्या बाजूने लागला आहे. विश्वचषकासारख्या स्पर्धेत दव ही महत्त्वाची भूमिका असावी का, असा प्रश्न उपस्थित होत आहे.



Source link

Leave a Reply

Your email address will not be published. Required fields are marked *

%d bloggers like this: