IND vs NZ T20 World Cup: भारतासाठी न्यूझीलंडचा हा खेळाडू आहे सर्वात धोकादायक; आव्हान संपुष्टात येऊ शकते


दुबई: भारत आणि न्यूझीलंड यांच्यात टी-२० वर्ल्डकपमधील सुपर १२च्या ग्रुप बी मधील लढत रविवारी ३१ ऑक्टोबर रोजी होणार आहे. दोन्ही संघांसाठी ही लढत नॉकआउट सारखी असेल. जो संघ या सामन्यात पराभूत होईल त्याची सेमीफायनलमध्ये पोहोचण्याची शक्यता जवळ जवळ संपुष्टात येईल. करो या मरो अशा या लढतीत दोन्ही संघ विजयासाठी शर्थीचे प्रयत्न करतील.

वाचा- ‘या’ खेळाडूला IPLनंतर घरी पाठणार होते बीसीसीआय; तरी खेळतोय टी-२० वर्ल्डकप

भारतीय क्रिकेट संघाला पहिल्या सामन्यात पाकिस्तानकडून पराभवाचा धक्का बसला होता. त्या सामन्यात पाकचा जलद गोलंदाज शाहीन शाह आफरीदीने भारताच्या आघाडीच्या फलंदाजांना झटपट बाद करून चांगली सुरूवात करून दिली होती. त्यामुळे भारताला १५१ धावा करता आल्या आणि सामन्यात १० विकेटनी पराभव स्विकारावा लागला. शाहीन आफरीदीच्या गोलंदाजीच्या सामना केल्यानंतर विराट आणि कंपनीला याची जाणीव झाली असेल की स्विंग आणि यॉकर्स समोर जगातील दिग्गज फलंदाजांना धावा करता आल्या नाहीत. हिटमॅन रोहित शर्मा, केएल राहुल, कर्णधार विराट कोहली यांना न्यूझीलंडविरुद्धच्या सामन्यात जलद गोलंदाज ट्रेंट बोल्टचा सामना करायचा आहे. या सामन्यात भारताचे आघाडीचे फलंदाज बोल्टचा कसा सामना करतील हे पाहावे लागले.

वाचा- जे गेल्या १८ वर्षात झाले नाही ते टीम इंडियाला या रविवारी करावे लागले; नाही तर…

बोल्टने आयपीएल २०२१च्या दुसऱ्या सत्रा फार प्रभावी गोलंदाजी केलेली नाही. पण भारतीय संघातील गोलंदाजांना बोल्टच्या रेकॉर्डपासून सावध रहावे लागले. त्याने वर्ल्ड टेस्ट चॅम्पियनशिपच्या फायनलमध्ये भारतीय फलंदाजांना अडचणीत आणले होते. WTC फायनलमध्ये बोल्ट न्यूझीलंडसाठी हुमकचा एक्का ठरला होता. त्याने भारताविरुद्ध कसोटी, वनडे आणि टी-२० मध्ये मिळून ३५ सामन्यात ७१ विकेट घेतल्या आहेत. यातील ५१ विकेट या उजव्या हाताने फलंदाजी करणाऱ्या फलंदाजांच्या आहेत.

वाचा- हार्दिक पंड्या न्यूझीलंडविरुद्ध खेळणार की नाही? आज फिटनेस टेस्टनंतर होणार शिक्कामोर्तब

पाकिस्तानच्या जलद गोलंदाज आफरीदीने भारताचे सलामीवीर रोहित शर्मा, केएल राहुल यांना बाद केले होते. त्यानंतर अर्धशतक करणाऱ्या विराट कोहलीला बाद केले. त्याने २४ पैकी १३ चेंडू ही निर्धाव टाकली होती. बोल्टच्या कामगिरीचा विचार करता त्याने आयपीएलच्या दुसऱ्या टप्प्यात ७ सामन्यात ५ विकेट घेतल्या. २०२०च्या हंगामात त्याने १५ सामन्यात २५ विकेट घेतल्या होत्या. पाकिस्तानविरुद्ध झालेल्या पहिल्या सामन्यात २९ धावा देत त्याला एक विकेट घेता आली. पण भारताविरुद्ध त्याचे रेकॉर्ड चांगले आहे. भारताच्या आघाडीच्या ३ फलंदाजांविरुद्ध त्याची कामगिरी चांगली आहे. रोहितला बोल्टने ८ तर विराटला ६ वेळा बाद केले आहे. राहुलची त्याने एकदा विकेट घेतली आहे.



Source link

Leave a Reply

Your email address will not be published. Required fields are marked *

%d bloggers like this: