‘या’ खेळाडूला IPLनंतर घरी पाठणार होते बीसीसीआय; तरी खेळतोय टी-२० वर्ल्डकप


दुबई: भारतीय क्रिकेट संघातील ऑलराउंडर हार्दिक पंड्याच्या फिटनेस आणि टीम इंडियाची त्यावरील भूमिका यात मोठा गोंधळ आहे. पाठीच्या दुखण्यामुळे मोठ्या शस्त्रक्रियेनंतर हार्दिक कधीच फिट दिसला नाही. आयपीएलच्या गेल्या दोन हंगामात त्याने गोलंदाजी केली नाही. गेल्या वर्षी आयपीएलमध्ये तो चांगल्या फॉर्ममध्ये होता पण या वर्षी अयपशी ठरला. त्याने १२ सामन्यात १४.११च्या सरासरीने १२७ धावा केल्या.

टाइम्स ऑफ इंडियाला एका सूत्रांनी दिलेल्या माहितीनुसार, खर तर आयपीएलमध्ये गोलंदाजी न केल्याने निवड समितीने त्याला पुन्हा भारतात परत वाढवणार होते. पण महेंद्र सिंह धोनी (जो टीम इंडियाचा मेंटोर आहे) ने पंड्यावर विश्वास दाखवला. त्याने निवड समितीला सांगितले की पंड्याचे फिनिशिंग स्किल्स उपयोगी पडतील.

वाचा-अफगाणिस्तानच्या खेळाडूंना तालिबानी फर्मान; ‘राष्ट्रगीत सुरू असताना भावनांना आवर घाला’

टी-२० वर्ल्डकपमधील पहिल्या सामन्यात पंड्याला सातव्या क्रमांकावर विशेष फलंदाज म्हणून खेळवण्यात आले. पाकिस्तानविरुद्धच्या या सामन्यात त्याने ८ चेंडूत ११ धावा केल्या. या दरम्यान त्याच्या खांद्याला दुखापत झाली. त्यामुळे नंतर गोलंदाजी करण्याचा प्रश्नच येत नव्हता. पाक विरुद्धच्या सामन्यानंतर तो सराव सत्रात गोलंदाजी आणि फलंदाजी करताना दिसतोय.

असे असले तरी बीसीसीआयने पंड्याच्या भूमिकेवर गोंधळ कायम ठेवला आहे. २८ वर्षीय पंड्याला खालच्या क्रमांकावर फलंदाजी म्हणून खेळवायचे की गोलंदाज म्हणून की या दोन्ही भूमिका द्यायच्या याबाबत गोंधळ संपलेला नाही.

वाचा- शोएब अख्तरची Live टीव्ही शोमधून हकालपट्टी; पाहा काय झाले

निवड समिती प्रमुख चेतन शर्माने त्याची निवड ऑलराउंडर म्हणून केली होती. पंड्या त्याची चार षटके गोलंदाजी करले. पण जेव्हा पूर्ण आयपीएलमध्ये त्याने गोलंदाजी केली नाही तेव्हा कर्णधार विराट कोहलीने त्याला सहाव्या क्रमांकाचा स्पेशलिस्ट असे म्हटले. पाकिस्तानविरुद्ध अपयशी ठरल्यानंतर आता रविवारी न्यूझीलंडविरुद्ध तो चांगली कामगिरी करू शकला तर धोनीने दाखवलेला विश्वास ठरा ठरले. हार्दिक जर अयपशी ठरला तर शार्दूल ठाकूर, दीपक चाहर आणि वेंकटेश अय्यर यांना संधी दिली जाऊ शकते.

भारतीय संघाच्या अनेक माजी निवड समिती सदस्यांनी म्हटले आहे की, पंड्या प्रकरणी उत्तर दिले पाहिजे. पंड्याने ऑलराउंडर म्हणून गेल्या एका वर्षात चांगली कामगिरी केली नाही. हा कालावधी कोणत्याही खेळाडूचे आकलन करण्यासाठी पुरेसा आहे, असे संदीप पाटील म्हणाले. तर मुंबईचे मुख्य निवड समिती प्रमुख सलिल अंकोला म्हणाले की, जर पंड्या गोलंदाजी करू शकत नसले तर तो संघात फीट होणार नाही.



Source link

Leave a Reply

Your email address will not be published. Required fields are marked *

%d bloggers like this: