coronavirus update करोना: राज्यात आज १,१७२ नव्या रुग्णांचे निदान, मृत्यूसंख्येत घट


हायलाइट्स:

  • गेल्या २४ तासांत राज्यात १ हजार १७२ नव्या रुग्णांचे निदान झाले आहे.
  • गेल्या २४ तासांमध्ये एकूण १ हजार ३९९ करोना बाधित रुग्ण बरे होऊन घरी गेले आहेत.
  • आज राज्यात एकूण २० करोना बाधित रुग्णांचा मृत्यू झाला आहे.

मुंबई: राज्यात करोनाच्या (Coronavirus) दैनंदिन रुग्णसंख्येची वाढ नियंत्रणात असून आज कालच्या तुलनेत रुग्णसंख्येत किंचित वाढ झाली आहे. तसेच बरे होणाऱ्या रुग्णांमध्ये घट झाली असली तरी आज दैनंदिन मृत्यूसंख्या कमी झाल्याने दिलासा मिळाला आहे. शिवाय, राज्यातील एकूण सक्रिय रुग्णसंख्याही १६ हजारांवर घसरली आहे. राज्याच्या आरोग्य विभागाने दिलेल्या माहितीनुसार, आज दिवसभरात राज्यात १ हजार १७२ इतक्या नव्या रुग्णांची नोंद झाली आहे. काल ही संख्या १ हजार १३० इतकी होती. तर आज दिवसभरात एकूण १ हजार ३९९ रुग्ण बरे होऊन घरी गेले आहेत. काल ही संख्या २ हजार १४८ इतकी होती. तर, आजही २० रुग्णांचा मृत्यू झाला. काल ही संख्या २६ इतकी होती. (maharashtra registered 1172 new cases in a day with 1399 patients recovered and 20 deaths today)

आज राज्यात झालेल्या २० रुग्णांच्या मृत्यूंनंतर राज्याच्या मृत्यूदर २.१२ टक्क्यांवरच स्थिर आहे. याबरोबर राज्यात आतापर्यंत एकूण ६४ लाख ५० हजार ५८५ रुग्ण बरे झाले आहेत. यामुळे राज्यातील रुग्ण बरे होण्याचे प्रमाण ९७.५७ टक्के इतके आहे.

क्लिक करा आणि वाचा- ‘आम्हांला रोज बेइज्जत केले जात आहे’; वानखेडेंची अरुण हलदर यांच्याकडे तक्रार

राज्यातील सक्रिय रुग्णसंख्या १६ हजारांवर

आज राज्यातील एकूण सक्रिय रुग्णांची संख्या १६ हजार ६५८ इतकी आहे. काल ही संख्या १६ हजार ९०५ इतकी होती. या बरोबरच राज्यातील सक्रिय रुग्णांचा जिल्हानिहाय विचार करता पुणे जिल्ह्यात सक्रिय रुग्णांची संख्या सर्वाधिक आहे. पुणे जिल्ह्यात हा आकडा ३ हजार ४३२ इतकी आहे. ठाणे जिल्ह्यात ही संख्या १ हजार ४९०, तर अहमदनगरमध्ये ही संख्या २ हजार २९१ इतकी आहे. त्या खालोखाल साताऱ्यात ही संख्या ४७३ अशी आहे. तसेच, सांगलीत एकूण ४७६ इतकी आहे. तर, सोलापुरात ही संख्या ४४१ इतकी आहे.

क्लिक करा आणि वाचा- राष्ट्रीय अनुसूचित जाती आयोगाचे उपाध्यक्ष हलदर वानखेडेंच्या निवासस्थानी; म्हणाले…

मुंबईत उपचार घेत आहेत ४,६७२ रुग्ण

मुंबई महापालिका हद्दीत सक्रिय रुग्णांची संख्या ४ हजार ६७२ इतकी आहे. नाशिकमध्ये सक्रिय रुग्णांची संख्या ५८३, रत्नागिरीत १७५ इतकी कमी झाली आहे, तर सिंधुदुर्गात ती ३४७ इतकी आहे.

नंदुरबार जिल्ह्यात एक सक्रिय रुग्ण

या बरोबरच, औरंगाबादमध्ये ४५१, नागपूर जिल्ह्यात ही संख्या ७४ इतकी आहे. अमरावतीत ही संख्या १७ वर आली आहे. तर नंदुरबार जिल्ह्यात राज्यात सर्वात कमी, म्हणजेच आजही एक सक्रिय रुग्ण आहे.

क्लिक करा आणि वाचा- ड्रग्ज पार्टी प्रकरणात केंद्रीय मंत्री रामदास आठवले यांचा खळबळजनक आरोप, म्हणाले…

१,६५,८२६ व्यक्ती होम क्वारंटाइन

आतापर्यंत तपासण्यात आलेल्या ६ कोटी २६ लाख ६७ हजार २११ प्रयोगशाळा नमुन्यांपैकी ६६ लाख ११ हजार ०७८ (१०.५५ टक्के) नमुने पॉझिटिव्ह आले आहेत. सध्या राज्यात १ लाख ६५ हजार ८२६ व्यक्ती होमक्वारंटाइनमध्ये आहेत. तर, ८६७ व्यक्ती संस्थात्मक क्वारंटाइनमध्ये आहेत.



Source link

Leave a Reply

Your email address will not be published. Required fields are marked *

%d bloggers like this: