IPL मधील या संघाने केला नीरज चोप्राचा सन्मान; दिले १ कोटीचे गिफ्ट


चेन्नई: आयपीएलचे चार वेळा विजेतेपद मिळवणाऱ्या चेन्नई सुपर किंग्ज (Chennai Super Kings) संघाने टोकियो ऑलिम्पिकमध्ये सुवर्णपदक जिंकणाऱ्या नीरज चोप्रा (Neeraj Chopra)ला त्याच्या ऐतिहासिक कामगिरीबद्दल एक कोटी रुपयांचा चेक दिला आहे. चेन्नई सुपर किंग्ज क्रिकेट लिमिटेडकडून नीरजला एक कोटीचा चेक देण्यात आला. त्याच बरोबर सीएसकेकडून त्याचा सन्मान करण्यात आला आणि ८७५८ या क्रमांकाची जर्सी देखील भेट दिली. नीरजने टोकियो ऑलिम्पिकमध्ये ८७.५८ मीटर लांब भाला फेकून सुवर्णपदक जिंकले होते.

वाचा- न्यूझीलंडविरुद्ध विजयासाठी भारतीय संघात होणार ३ बदल; पाहा अशी असेल टीम इंडिया

अभिनव बिंद्रा याच्यानंतर भारताला नीरजने वैयक्तीक प्रकारात सुवर्णपदक जिंकून दिले आहे. सीएसकेचे मुख्य कार्यकारी अधिकारी केएस विश्वनाथन म्हणाले, नीरजच्या शानदार कामगिरीवर संपूर्ण देशाला गर्व आहे. अॅथलेटिक्समध्ये सुवर्णपदक जिंकणारा तो पहिला भारतीय आहे. पुढील पिढी त्याच्यापासून प्रेरणा घेईल. ८७.५८ ही संख्या भारतीय खेळाच्या इतिहासात नोंदली गेली आहे. नीरजला जर्सी देणे ही एक सन्मानाची गोष्ट आहे.

वाचा- न्यूझीलंडविरुद्ध इतिहास घडवायचा असेल तर, भारताला ‘या’ पाच गोष्टी

वाचा- INDvsNZ : जर न्यूझीलंडविरुद्ध पराभव झाला, तर टीम इंडिया सेमी फायनलमध्ये जाणार का?

चेन्नईकडून मिळालेल्या खास जर्सीनंतर नीरज म्हणाला, गेल्या दोन महिन्यांपासून एक नव्या गोष्टीचा अनुभव घेत आहे. मी सीएसकेच्या व्यवस्थापनाचा आभार व्यक्त करतो. तुम्ही दिलेले समर्थन आणि पुरस्कार यासाठी धन्यवाद. मला कधीच वाटले नव्हते की सुवर्णपदकानंतर इतके प्रेम मिळेल. मला याची अपेक्षा नव्हती, खुप छान वाटते. मी आणखी मेहनत करेन आणि चांगला निकाल देईन.

वाचा- भारतीय संघाला मिळाली गुड न्यूज; न्यूझीलंडविरुद्धच्या विजयासाठी…



Source link

Leave a Reply

Your email address will not be published. Required fields are marked *

%d bloggers like this: