मध्यरात्रीत भाजपने केली मंत्रिपदावरून हकालपट्टी, नेत्याला अश्रू अनावर…


उत्तराखंड : विधानसभा निवडणुकांची घोषणा होताच उत्तर भारतातील राज्यांमधील राजकीय वातावरण तापलं आहे. आता भाजपची सत्ता असलेल्या उत्तराखंडमधील घडामोड समोर आली आहे. हरक सिंह रावत यांनी सहा वर्षांपूर्वी मध्यरात्रीत भाजपमध्ये प्रवेश केला होता. योगायोग म्हणजे मध्यरात्रीच हरक सिंह रावत यांची भाजपमधून आणि मंत्रिपदावरून हकालपट्टी करण्यात आली ( harak singh rawat breaks ) आहे. ते आज काँग्रेसमध्ये घरवापसी करणार असल्याचं सांगण्यात येत आहे. हरक सिंह रावत यांना अश्रू अनावर झाले. मंत्रिमंडळातून आणि पक्षातून हकालपट्टीची बातमी ऐकताच त्यांचे डोळे पाणावले. कंठ दाटून आला. त्यांचा व्हिडिओही समोर आला आहे.

२०१६ मध्ये भाजपमध्ये दाखल झाले होते

हरक सिंह रावत यांच्यासाठी पक्ष बदल ही काही नवीन गोष्ट नाही. संधिसाधूपण राजकारणातील तज्ज्ञ खेळाडू मानले जातात. हरक सिंह रावत, विजय बहुगुणा आणि इतर ८ आमदारांनी २०१६ मध्ये हरीश रावत सरकारला अडचणीत आणून भाजपमध्ये प्रवेश केला होता. भाजप आमदारांसह ते बसमध्ये मध्यरात्रीत राज्यपालांकडे पोहोचले होते. आता भाजपमधून त्यांच्या हकालपट्टीचा निरोपही मध्यरात्रीच झाला, हाही योगायोग म्हणावा लागेल. हरीश रावत आणि हरक सिंह रावत हे एकेकाळी जवळचे मित्र होते. मुख्यमंत्र्यांच्या खुर्चीच्या महत्त्वाकांक्षेने या मैत्रीत दुरावा निर्माण केला. आता बरोबर ६ वर्षांनंतर हरक आता एका जुन्या मित्रासोबत जणार आहेत. अखेर हे का घडले याची संपूर्ण कहाणी मागील दिवसातील घटना सांगते.
३ तिकिटांचा आग्रह आणि मध्यरात्री काढलेल्या प्रत्येकी

संपूर्ण खेळ हा ३ तिकिटांचा आहे. हरक सिंह यांना आपल्यासाठी सुरक्षित मतदारसंघ हवे होते. यमकेश्वर, केदारनाथ आणि डोईवाला हे त्यांचे आवडते मतदारसंघ आहेत. याशिवाय कुटुंबासाठी त्यांनी दोन तिकिटांचीही मागणी केली होती. यासाठी हरक सिंह रावत हे आपले खास आमदार उमेश शर्मा कौ यांच्यासोबत दिल्लीला रवाना झाले होते. त्यांच्यासोबत त्यांची सून अनुकृती गुसैनही होती. रावत यांना सुनेसाठी लॅन्सडाउनचा मतदारसंघ हवा होता. हरक यांना हवा तो मतदारसंघ देण्यास भाजपची तयारी होती, असं बोलले जातंय. पण कुटुंबासाठी दोन जागांच्या हट्टामुळे संपूर्ण खेळ बिघडला. त्याचा परिणाम मध्यरात्री मंत्रिमंडळ आणि पक्षातून बाहेर पडण्यात झाला.

up election news : यूपीत मित्रपक्षच देणार भाजपला आव्हान? करणार मोठी घोषणा

हरक सिंह यांची हकालपट्टी का केली?

कुटुंबातील सदस्यांना उमेदवारी देण्यासाठी हरक सिंह रावत यांनी भाजपवर दबाव आणल्याचा आरोप उत्तराखंडचे मुख्यमंत्री पुष्कर सिंह धामी यांनी केला आहे. हरस सिंह रावत आपल्यासह कुटुंबातील सदस्यांसाठीही उमेदवारी मागत होते. यासाठी ते पक्षावर दबाव आणत होते. यामुळे पक्षाने हा निर्णय घेतला. निवडणुकीत एका कुटुंबाला एकच उमेदवारी दिली जाईल, हे पक्षाचे धोरण आहे. एकाच कुटुंबात २ किंवा ३ जणांना उमेदवारी देण्याविरोधात पक्ष आहे, असं मुख्यमंत्री पुष्कर सिंह धामी म्हणाले.

aparna yadav : भाजपही यूपीत मोठा धमाका करणार, मुलायम सिंहांच्या घराण्यातच लावला ‘सुरुंग’!



Source link

Leave a Reply

Your email address will not be published.

%d bloggers like this: