Drone Attack: ड्रोनच्या सहाय्यानं अबुधाबी आंतरराष्ट्रीय विमानतळावर दहशतवादी हल्ला


हायलाइट्स:

  • अबुधाबी आंतरराष्ट्रीय विमानतळावर दोन स्फोट
  • ‘हुती’ बंडखोरांनी स्वीकारली जबाबदारी
  • अद्याप जीवितहानीचं वृत्त नाही

अबुधाबी, संयुक्त अरब अमिरात :

नुकत्याच हाती आलेल्या माहितीनुसार, संयुक्त अरब अमिरातमध्ये मोठा दहशतवादी हल्ला घडवून आणण्यात आलाय. स्थानिक अधिकाऱ्यांनी दिलेल्या माहितीनुसार, अबुधाबीच्या आंतरराष्ट्रीय विमानतळावर सोमवारी दोन स्फोट झाले. हे स्फोट ड्रोनच्या सहाय्यानं घडवल्याचं समजतंय. स्फोटांनंतर विमानतळावर आगीचे लोळ दिसून आले.

संयुक्त अरब अमिरातकडून या घटनेचा तपास सुरू करण्यापूर्वीच इराण समर्थित ‘हुती’ बंडखोरांनी या हल्ल्याची जबाबदारी स्वीकारली आहे. या संघटनेकडून भविष्यातही यूएईवर हल्ले करण्यात येतील, अशी धमकी देण्यात आलीय.

सात भारतीय येमेनच्या हुती बंडखोरांच्या ताब्यात, भारताची संयुक्त राष्ट्राकडे धाव
VIDEO: डोनाल्ड ट्रम्प यांच्यावर ड्रोन हल्ला; इराणच्या सर्वोच्च नेत्याकडून ‘तो’ व्हिडिओ जारी
स्थानिक माध्यमांनी दिलेल्या माहितीनुसार, अबुधाबी नॅशनल ऑइल कंपनी (ADNOC) च्या पेट्रोल वाहून नेणाऱ्या टँकरमध्ये हे स्फोट झाले. टँकरनं पेट घेण्यापूर्वी ड्रोनसारखी आकृती दिसल्याचं प्राथमिक तपासात समोर आलंय. विमानतळावरील आगीवर नियंत्रण मिळवण्यासाठी पोलीस आणि अधिकाऱ्यांचे पथक घटनास्थळी दाखल झालंय.

संयुक्त अरब अमिरातच्या सरकारी ‘डब्ल्यूएएम’ वृत्तसंस्थेनं दिलेल्या माहितीनुसार, प्राथमिक तपासणीत लहान आकाराच्या उडणाऱ्या वस्तू आढळून आल्या आहेत. हे ड्रोन असण्याची दाट शक्यता आहे. अबुधाबीच्या दोन वेगवेगळ्या भागांत या उडणाऱ्या वस्तूंच्या सहाय्यानं दोन स्फोट घडवून आणण्यात आले. मात्र, या हल्ल्यात कोणतीही जीवितहानी झाल्याचं वृत्त नाही.

सौदी अरेबिया हा हुती बंडखोरांचा मुख्य शत्रू मानला जातो. हुतींविरोधात लढण्यासाठी आखाती देशांच्या युतीचं नेतृत्व अबुधाबी करत आहे.

VIDEO: टोंगाच्या समुद्रात भयंकर ज्वालामुखीचा उद्रेक… त्सुनामीचा धोका टळला
Texas Attack: १० तासांच्या थरारनाट्यानंतर सिनेगॉगमधील ओलिसांची मुक्तता, हल्लेखोर ठार
M M Naravane: सीमेवरील स्थिती बदलू देणार नाही, लष्करप्रमुखांनी ठणकावलं



Source link

Leave a Reply

Your email address will not be published.

%d bloggers like this: