राजकीय न्यूज

आमदार जितेंद्र आव्हाड यांच्या निषेधार्थ उद्या मुंबईत रिपब्लिकन पक्षाचे आंदोलन

आमदार जितेंद्र आव्हाड यांच्या निषेधार्थ उद्या मुंबईत रिपब्लिकन पक्षाचे आंदोलन

मुंबई / ज्ञानप्रवाह न्यूज,दि.22 – राष्ट्रवादी काँग्रेसचे नेते आमदार जितेंद्र आव्हाड यांनी डॉ.बाबासाहेब आंबेडकर यांच्याबाबत अवमानजनक केलेल्या वक्तव्याच्या निषेधार्थ मंगळवार दि.23 जानेवारी 2024 रोजी मुंबईत घाटकोपर आणि चेंबुर येथे निषेध आंदोलन करण्यात येणार आहे अशी माहीती रिपाइंचे मुंबई प्रदेशाध्यक्ष सिध्दार्थ कासारे आणि मुंबई कार्याध्यक्ष बाळासाहेब गरुड यांनी माहिती दिली आहे.

आमदार जितेंद्र आव्हाड हे बोलताना कोणतेही तारतम्य बाळगत नाहीत. महामानव डॉ.बाबासाहेब आंबेडकर यांच्याबाबत बुद्धिभ्रष्ट झालेल्या आमदार जितेंद्र आव्हाडांनी चुकीचा आरोप केला आहे.न्यायपालिकेत आरक्षण न ठेवून 80 टक्के बहुजणांवर डॉ.बाबासाहेब आंबेडकरांनी अन्याय केला असा आरोप जितेंद्र आव्हाड केला आहे. वाचाळविर जितेंद्र आव्हाड यांचा तीव्र निषेध करण्यासाठि रिपब्लिकन पक्षाचे वतीने उद्या मंगळवार दि.23 जानेवारी 2024 रोजी दुपारी 3 वाजता घाटकोपर पश्चिम सर्वोदय सिग्नल येथे रिपाइं मुंबई कार्याध्यक्ष बाळासाहेब गरुड,घाटकोपर तालुकाध्यक्ष अनिल जाधव,संदेश हाटे यांच्या नेतृत्वात करण्यात येणार आहे.

रिपब्लिकन पक्षाच्या दक्षिण मध्य मुंबई जिल्हाध्यक्ष संजय डोळसे यांच्या नेतृत्वात चेंबुर पांजरापोळ येथे रिपब्लिकन पक्षाच्यावतीने जितेंद्र आव्हाड यांचा तीव्र निषेध करण्यात येणार आहे अशी माहिती रिपाइंचे मुंबई प्रदेशाध्यक्ष सिध्दार्थ कासारे यांनी दिली आहे.

Leave a Reply

Your email address will not be published. Required fields are marked *