भ्याड हल्ल्याचे निषेधार्थ महाराष्ट्र राज्य नगर परिषद कर्मचारी समन्वय समिती व पंढरपूर नगरपरिषद कर्मचारी संघटनेच्यावतीने निदर्शने Protests on behalf of Maharashtra State Municipal Council Employees Coordinating Committee and Pandharpur Municipal Council Employees Union
पंढरपूर, ३१/०८/२०२१ :- ठाण्याच्या सहाय्यक आयुक्त कल्पिता पिंपळे यांच्यावर झालेल्या भ्याड हल्ल्याचा निषेध म्हणून महाराष्ट्र राज्य नगरपरिषद कर्मचारी समन्वय समिती व पंढरपूर नगरपरिषद कर्मचारी संघटनेच्यावतीने निदर्शने करण्यात येऊन काम बंद आंदोलन करण्यात आले.
या भ्याड हल्ल्याचा निषेध म्हणून राज्याचे जनरल सेक्रेटरी सुनील वाळुजकर, पंढरपूर नगरपरिषद कामगार संघटनेचे कार्याध्यक्ष नानासाहेब वाघमारे, सहकार्याध्यक्ष शरद वाघमारे यांच्या नेतृत्वाखाली नगरपरिषदेसमोर निदर्शने करण्यात आली.
यावेळी बोलताना सुनील वाळूजकर यांनी सांगितले की,दि 30/08/2021 रोजी ठाणे महानगरपालिकेच्या सहाय्यक आयुक्त श्रीमती कल्पिता पिंपळे या कर्तव्य बजावत असताना यादव नावाच्या एका माथेफिरू फेरीवाल्याने धारदार शस्त्राने त्यांच्यावर हल्ला केला व यात त्यांची हाताची बोटे कापली गेली तसेच डोक्यास देखील मोठी जखम झाली आहे.आपले कर्तव्य प्रामाणिकपणे बजावणाऱ्या एका महिला अधिकाऱ्यावर झालेला हा भ्याड हल्ला अत्यंत संतापजनक आहे. गुन्हेगारी प्रवृत्तीचे लोक जेंव्हा कर्तव्य बजावणाऱ्या अधिकाऱ्यांवर हल्ले करतात, तेंव्हा अश्या प्रकारच्या भ्याड हल्ल्याने केवळ हल्ला झालेला अधिकारीच नव्हे तर संपूर्ण प्रशासनाचे मनोधैर्य खच्चीकरणं होणार आहे . त्यामुळे अश्या प्रकारच्या हल्ल्याचा संघटित निषेध करणेसाठी व हल्लेखोरांवर कठोर कारवाई करणेसाठी या घटनेचा निषेध म्हणून पंढरपूर नगर परिषद कर्मचारी संघटना व महाराष्ट्र राज्य नगरपरिषद कर्मचारी समन्वय समितीच्यावतीने नगरपरिषदे समोर निदर्शने करण्यात येत असून आज संपूर्ण कामकाज बंद करण्यात आले असल्याचे सांगितले.
यावेळी कामगार संघटनेचे उपाध्यक्ष किशोर खिलारे,जयंत पवार, अनिल गोयल, नागनाथ तोडकर, गुरू दोडिया,महावीर कांबळे, दशरथ यादव, विठ्ठल वाघमारे, दत्तात्रेय चंदनशिवे, संजय माने, संभाजी देवकर, चिदानंद सर्वगोड,नेताजी पवार, सुवर्णा डमरे, प्रज्ञा देशमुख, अस्मिता निकम, राणी गायकवाड व नगर परिषदेचे सर्व कर्मचारी उपस्थित होते.
Like this:
Like Loading...
