बीड जिल्ह्यात 300 कोटी रुपयांचा गंडा घालणाऱ्या आरोपीला मथुरेतून अटक

महाराष्ट्र पोलिसांच्या पथकाने उत्तर प्रदेशातील मथुरा जिल्ह्यातून एका फरार आरोपीला अटक केली आहे. या व्यक्तीवर 300 कोटी रुपयांच्या गैरव्यवहाराचा आरोप आहे. मथुरा जिल्ह्यातील कृष्णा बलराम मंदिराजवळ वृंदावन पोलिसांच्या मदतीने आरोपीला अटक करण्यात आल्याचे स्थानिक पोलिसांनी सांगितले आहे. साधूच्या वेशात आरोपीला मथुरेत अटक करण्यात आली आहे.

सदर प्रकरण बीड जिल्ह्यातील असून आरोपीवर जिजाऊ माँ साहेब मल्टी स्टेट बँके'मधील ठेवीदारांच्या 300 कोटी रुपयांचा गैर व्यवहार करण्याचा आरोप आहे. हा बीड मधून पसार होऊन साधूच्या वेशात वृंदावनात लपून बसला होता

मथुरा जिल्ह्यातील कृष्णा बलराम मंदिराजवळ वृंदावन पोलिसांच्या मदतीने आरोपीला अटक करण्यात आली. बबन विश्वनाथ शिंदे असे या आरोपीचे नाव आहे. त्याला शोधण्यासाठी बीड जिल्ह्यातील पोलिसांचे पथक मथुरा आले बरीच शोधाशोध केल्यावर तो ब्रिटिश मंदिराजवळ फिरताना आढळला. 

कृष्ण बलराम मंदिराला 'ब्रिटिशांचे मंदिर' म्हणूनही ओळखले जाते.

पोलिसांनी सांगितले की, तपासादरम्यान आरोपी शिंदे हा मथुरा येथे एका वर्षापासून साधूच्या वेशात राहत असल्याची माहिती मिळाली. महाराष्ट्र पोलिसांचे पथक मंदिर, आश्रम, हॉटेल, गेस्ट हाऊस आदी ठिकाणी त्याचा शोध घेत होते. पोलिसांनी दिलेल्या माहितीनुसार, शिंदे हा वेशात राहत होता. महाराष्ट्र पोलिसांच्या पथकाने मथुरा पोलिसांची गुन्हे शाखा आणि वृंदावन पोलिसांची मदत घेतली असता लवकरच आरोपी सापडला.

Edited by – Priya Dixit  

Source link