माजी आमदार जयवंत जगताप यांचा शिवसेना पक्षात जाहीर प्रवेश
मुंबई / ज्ञानप्रवाह न्यूज,दि.११/०६/२०२५ – करमाळा विधानसभा मतदारसंघाचे माजी आमदार जयवंत जगताप यांनी शिवसेना पक्षात जाहीर प्रवेश केला आहे. यावेळी त्यांचे पक्षात स्वागत करून त्यांना उपमुख्यमंत्री एकनाथ शिंदे यांनी भावी वाटचालीसाठी शुभेच्छा दिल्या.
जयवंत जगताप हे दोन वेळा करमाळा विधानसभा मतदार संघाचे आमदार होते.१९९० साली अपक्ष तर २००४ साली शिवसेनेच्या धनुष्यबाण चिन्हावरती निवडणूक लढवून ते विजयी झाले होते.२०१९ साली विधानसभेला संजय मामा शिंदे यांना विजयी करण्यात आणि २०२४ साली नारायण पाटील यांना विजयी करण्यात जयवंत जगताप यांचा सिंहाचा वाटा होता.जयवंत जगताप यांच्या शिवसेना प्रवेशामुळे आगामी स्थानिक स्वराज्य संस्थेच्या निवडणुकीत शिवसेनेला मोठे बळ मिळणार आहे.
यावेळी सांगोल्याचे माजी आमदार शहाजी बापू पाटील, शिवसेना वैद्यकीय कक्षाचे कक्ष प्रमुख मंगेश चिवटे,शिवसेनेचे जिल्हा प्रमुख महेश चिवटे, बुलढाण्याचे डॉ.शशिकांत खेडकर, सांगलीचे विठ्ठल पाटील, दिपक पाटणे आदी उपस्थित होते.
