अभिजात मराठी भाषा सप्ताहानिमित्त कोल्हापूर विभागीय आणि जिल्हा माहिती कार्यालयाच्यावतीने लोकराज्य मासिकाचे अंक व दुर्मिळ ग्रंथांचे प्रदर्शन
या प्रदर्शनाचे उद्घाटन शिवाजी विद्यापीठाच्या मराठी भाषा विभागाचे प्रमुख डॉ.नंदकुमार मोरे यांच्या हस्ते
कोल्हापूर /जिमाका: अभिजात मराठी भाषा सप्ताहा निमित्त कोल्हापूर विभागीय आणि जिल्हा माहिती कार्यालयाच्या वतीने मध्यवर्ती प्रशासकीय इमारतीमध्ये 3 ते 9 ऑक्टोबर या कालावधीत लोकराज्य मासिकाचे अंक व दुर्मिळ ग्रंथांचे प्रदर्शन आयोजित करण्यात आले होते. लोकराज्य अंक प्रदर्शनाला आज औद्योगिक न्यायालयाचे प्रशासकीय सदस्य (न्यायाधीश) निलेश मालुंजकर व औद्योगिक न्यायालयाचे सदस्य (न्यायाधीश) विजय आदोणे यांनी भेट देऊन पाहणी केली.तत्पूर्वी मुद्रांक जिल्हाधिकारी बाबासाहेब वाघमोडे, संजय गांधी योजना विभागाच्या तहसीलदार वनिता पवार, जिल्हा ग्रंथालय अधिकारी अपर्णा वाईकर आदी मान्यवरांनी या प्रदर्शनाला भेट दिली.या प्रदर्शनाचे उद्घाटन शिवाजी विद्यापीठाच्या मराठी भाषा विभागाचे प्रमुख डॉ.नंदकुमार मोरे यांच्या हस्ते पार पडले.
हे प्रदर्शन 9 ऑक्टोबरपर्यंत कार्यालयीन वेळेत सुरु असून या प्रदर्शनाला ग्रंथप्रेमींनी भेट द्यावी, असे आवाहन कोल्हापूर विभागाचे उपसंचालक (माहिती) प्रवीण टाके यांनी केले .यावेळी जिल्हा माहिती अधिकारी सचिन अडसूळ यांच्या हस्ते न्या.मालुंजकर व न्या.आदोणे यांना कोल्हापूरच्या पर्यटनाबद्दल सर्वसमावेशक माहिती देणारी सचित्र पर्यटन पुस्तिका देण्यात आली.याप्रसंगी माहिती अधिकारी फारूक बागवान,सहायक संचालक वृषाली पाटील यांच्यासह विभागीय व जिल्हा माहिती कार्यालयातीचे कर्मचारी उपस्थित होते.
