aryan khan case : आर्यन खानला अद्याप जामीन का मिळाला नाही? रामदास आठवलेंचं मोठं वक्तव्य

नवी दिल्लीः केंद्रीय सामाजिक न्यायमंत्री रामदास आठवले ( ramdas athawale ) यांनी एनसीबीचे अधिकारी समीर वानखेडे ( sameer wankhede ) यांची बाजू घेतली आहे. महाराष्ट्राचे अल्पसंख्याक मंत्री नवाब मलिक ( nawab malik ) हे समीर वानखेडेंची बदनामी करत आहेत. समीर वानखेडे हे मागासवर्गीय आणि दलित आहेत. त्यांची जात समोर आणली जात आहे. हे अतिशय वाईट आहे, असं म्हणत रामदास आठवले यांनी महाराष्ट्र सरकार आणि नवाब मलिक यांच्यावर निशाणा साधला आहे. रामदास आठवले यांनी आज दिल्लीत पत्रकार परिषद घेतली. त्यावेळी ते बोलत होते.

चित्रपटसृष्टीत अंमली पदार्थांची सर्वाधिक विक्री होते. यामुळे चित्रपटसृष्टीत साफसफाई होणं गरजेचं आहे. आर्यन खानच्या ( aryan khans drug case ) विरोधात सबळ पुरावे आहेत. यामुळेच त्याला अद्याप जामीन मिळालेला नाही. चित्रपटसृष्टीत अंमली पदार्थांचा होत असलेला सर्रास वापर थांबवावा लागेल, असं मत आठवले यांनी व्यक्त केलं. ही परिस्थिती बदलणं गरजेचं आहे. अंमली पदार्थांचं सेवन करणाऱ्यांना व्यसनमुक्ती केंद्रात पाठवावं, त्यांना अटक करू नये. तुरुंगात पाठवू नका, असंही रामदास आठवले म्हणाले.

जे दारू पितात, सिगारेट ओढतात त्यांना तुरुंगात पाठवलं जात नाही. मात्र, कोणाकडे अंमली पदार्थ कितीही प्रमाणात आढळले तरी त्यांना तुरुंगात पाठवलं जातं. ही परिस्थिती बदलणं गरजेचं आहे. अंमली पदार्थांचं व्यसन असणाऱ्यांना योग्य आरोग्य सेवेसाठी पुनर्वसन केंद्र किंवा व्यसनमुक्ती केंद्रात पाठवावं. तरच परिस्थिती सुधारेल, अशी शिफारस आमच्या मंत्रालयाने केली आहे, असं आठवलेंनी सांगितलं.

sameer wankhede : समीर वानखेडेंवर खंडणीचे आरोप, NCB चं पथक उद्या मुंबईत येणार

सुशांत सिंह राजपूतच्या मृत्यूनंतर मोठ्या प्रमाणात अंमली पदार्थांची प्रकरणं समोर

अभिनेता सुशांत सिंग राजपूतच्या मृत्यूनंतर चित्रपटसृष्टीतील अंमली पदार्थांचा मुद्दा ऐरणीवर आला होता. आर्यन खानवर झालेल्या कारवाईत कोणताही पक्षपातीपणा केलेला नाही. त्याच्याविरुद्ध अनेक पुरावे आहेत. यामुळेच त्याला दंडाधिकारी न्यायालय आणि सत्र न्यायालयातून जामीन मिळालेला नाही. ईडी, सीबीआय, एनसीबीच्या छाप्यांमध्ये कोणी दोषी आढळल्यास त्यांच्यावरही कारवाई केली जाईल, असं असं रामदास आठवले म्हणाले.

Aryan Khan Case: आर्यन खानचे तिसरे वकील; मुकुल रोहतगींच्या खांद्यावर जामिनाची जबाबदारी…

अंमली पदार्थांच्या विरोधात नार्कोटिक्स कंट्रोल ब्युरो योग्य दिशेने आणि ठोस कारवाई करत आहे. अनेकांना अटक करण्यात आली आहे. ताब्यात घेण्यात आलं आहे. त्यांची चौकशी करण्यात आली आहे. सुशांत सिंह राजपूतच्या मृत्यूनंतर अशा अनेक घटना समोर आल्या आहेत. अंमली पदार्थांचा वाढते व्यसन हे खेदजनक आहे. यामुळे शक्य तितक्या लवकर याला रोखणं महत्त्वाचं आहे, असं केंद्रीय सामाजिक न्याय राज्यमंत्री रामदास आठवलेंनी स्पष्ट केलं.