डाक विभागाची ज्ञान पोस्ट ही नवीन सेवा सुरु
या सेवेचा लाभ घेण्याचे आवाहन
पंढरपूर/ ज्ञानप्रवाह न्यूज,दि.06: – भारतीय डाक विभागाने देशाभरातील सर्व पोस्ट ऑफिसमध्ये दि.01 मे पासून ज्ञान पोस्ट या नवीन सेवेची सुरुवात करण्यात आली आहे.या सेवेंतर्गत ज्ञान प्रसाराचे लेखी दस्तावेज,पुस्तके,सामाजिक, सांस्कृतिक आणि धार्मिक साहित्य (लेखन) माफक दरात डाक सेवेच्या माध्यमातून पाठवणे शक्य होणार आहे. ही सेवा पंढरपूर प्रधान डाक घर येथे उपलब्ध असल्याची माहिती डाकघर अधिक्षक चंद्रकांत भोर यांनी दिली.
या सेवेअंतर्गत टपाल विभाग सामाजिक, सांस्कृतिक आणि धार्मिक महत्त्वाच्या शिक्षणाला प्रोत्साहन देईल.शैक्षणिक पुस्तके, स्पर्धा परीक्षांच्या तयारीशी संबंधित अभ्यास, साहित्य आणि सामाजिक व सांस्कृतिक क्षेत्राशी संबंधित महत्वाची पुस्तके पाठवण्या साठी एक विशेष सेवा प्रदान करेल. सेवेद्वारे वस्तूचे ट्रॅक व ट्रेस सुविधा उपलब्ध असणार आहे तसेच रजिस्ट्रेशन, इश्युरन्स, वितरणाचा पुरावा, अशा मूल्यवर्धित सेवांचा ही समावेश असणार आहे.त्याचबरोबर पुस्तके असलेल्या पॅकेटवर ज्ञान पोस्ट असे चिन्हांकित केले जावे. पॅकेटमध्ये ठेवलेल्या प्रत्येक पुस्तकावर मुद्रक किंवा प्रकाशकाचे नाव असावे. पुस्तकांमध्ये आकस्मिक घोषणा किंवा पुस्तकांची यादी व्यतिरिक्त कोणतीही जाहिरात असू नये.या उत्पादनाद्वारे व्यावसायिक किंवा व्यावसायिक स्वरूपाचे कोणतेही पुस्तक पाठवले जाणार नाही.
ज्ञान पोस्ट अंतर्गत कमीत-कमी 300 ग्रॅम वजनाचे पॅकेट 20 रुपयांपासून सुरु होतात आणि 5 किलो ग्रॅमच्या वजनाच्या पॅकेटसाठी लागू कर वगळून 100 रुपयांपासून सुरु होतात. ज्ञान पोस्ट ही सेवा ग्रामीण व दुर्गम भागातील विद्यार्थ्यांना शैक्षणिक संस्थाना उपयुक्त ठरणार असून,ज्ञान पोस्ट या सुविधेचा लाभ सर्वांनी घ्यावा असे आवाहन पंढरपूर डाकघर अधिक्षक चंद्रकांत भोर यांनी केले आहे.
