खुनाचा कट रचनाऱ्या दोघांना कंबरेला पिस्टल लावुन फिरत असताना पंढरपुर शहर पोलीसांनी घेतले ताब्यात
पंढरपूर /ज्ञानप्रवाह न्यूज,-दि.०७/०५/२०२५ रोजी पंढरपुर गुन्हे प्रकटीकरण पथकास मिळालेल्या गोपनिय माहितीनुसार जुना कासेगाव रोड पंढरपुर येथे मोटार सायकली वरून येत असताना पोलीसांनी गराडा घालुन त्यांना जागीच पकडले. पकडलेले इसमास त्याचे नाव पत्ता विचारता त्याने आपले नाव विधीसंघर्ष बालक ०१) अ.ब.क., ०२) अ.ब.क. तसेच दुसऱ्या मोटार सायकली वरती असलेला व पळुन गेलेला इसम ०३) यश ज्ञानेश्वर अंकुशराव रा.कोळी गल्ली पंढरपूर तसेच आरोपी क्र. ०४) गोपाळ अंकुशराव रा.पंढरपूर असे असल्याचे सांगितले आहे. तसेच दोन्ही मिळुन आलेल्या अ.क्र.०१ व ०२ यांचेकडे कमरेला प्रत्येकी एक लोखंडी देशी बनावटीचे दोन पिस्टल, दोन मॅक्झीन व चार जिवंत काडतुस यांचेसह मिळुन आले आहेत.पकडलेल्या इसमास पिस्टल वापरण्याच्या परवान्याबाबत विचारले असता त्याने तो नसल्याचे सांगितल्याने त्यास पंढरपुर शहर पोलीस ठाण्यात आणून पंढरपुर शहर पोलीस ठाणे गु.र.नं. ३१०/२०२५ भारतीय हत्यार कायदा १९५९ चे कलम-३, २५, भारतीय न्याय संहिता २०२३ चे कलम ६१ (२) तसेच मुंबई पोलीस अधिनियम कलम १३५ प्रमाणे सरकार तर्फे फिर्याद दाखल केली आहे.
सदरची कामगीरी ही सोलापूर ग्रामीणचे पोलीस अधिक्षक अतुल कुलकर्णी,अपर पोलीस अधिक्षक प्रितमकुमार यावलकर, उपविभागीय पोलीस अधिकारी डॉ.अर्जुन भोसले पंढरपूर विभाग,वरिष्ठ पोलीस निरीक्षक विश्वजीत घोडके पंढरपूर शहर पोलीस ठाणे यांचे मार्गदर्शनाखाली गुन्हे प्रकटीकरण शाखेचे पोलीस उपनिरीक्षक श्रीकांत घुगरकर, पो.स.ई.महादेव पिसाळ, स.पो.फौ.कल्याण ढवणे, पो.ह. सिरमा गोडसे, पो.ह.कुंदन कांबळे,पो.ह.श्री हांगे,पो.ह. विठ्ठल विभुते,पो.ह.प्रसाद औटी,पो.ह.सचिन हेंबाडे, पोशि शहाजी मंडले,पोशि समाधान माने, पो.कॉ. बजरंग बिचुकले, पो.कॉ. निलेश कांबळे, पो.कॉ.नवगिरे,चा.पो.कॉ. विष्णु बडे तसेच सायबर शाखा सोलापुर ग्रामीण चे पो.कॉ.रतन जाधव यांनी केली आहे.
