शिवबंधन बांधून मारुती अंबुरे यांचा शिवसेना उद्धव बाळासाहेब ठाकरे पक्षात प्रवेश
शिवसेना उद्धव बाळासाहेब ठाकरे पक्षात पक्षप्रमुख उद्धव बाळासाहेब ठाकरे यांच्या हस्ते शिवबंधन बांधले
मुंबई /ज्ञानप्रवाह न्यूज- मुंबई येथील मातोश्री येथे शिवसेना उद्धव बाळासाहेब ठाकरे पक्षात पक्षप्रमुख उद्धव बाळासाहेब ठाकरे यांच्या हस्ते शिवबंधन बांधून महाराष्ट्र जोशी समाज संघटनेचे उपाध्यक्ष मारुती अंबुरे यांनी प्रवेश केला.त्याचबरोबर त्यांच्या शेकडो कार्यकर्त्यांनी पक्षात प्रवेश करून शिवसेनेचे शिवबंधन बांधून घेतले.
शिवसेना उद्धव बाळासाहेब ठाकरे पक्षा बरोबर कायम राहून माळशिरस तालुक्या मधील शिवसेना मजबूत करण्याचा निर्धार मारुती अंबुरे यांनी व्यक्त केला.
यावेळी शिवसेना जिल्हाप्रमुख तथा श्री विठ्ठल रुक्मिणी मंदिरे समिती सदस्य संभाजी शिंदे यांच्या हस्ते शिवसेना पक्ष प्रमुख उद्धव ठाकरे यांचा सत्कार शाल, दैनंदिनी व पुष्पगुच्छ देऊन करण्यात आला.
त्यावेळी शिवसेना नेते विनायक राऊत , सोलापूर जिल्हा संपर्कप्रमुख अनिल कोकीळ,युवा सेनेचे गणेश इंगळे, तालुका प्रमुख संतोष राऊत,महादेव बंडगर, अनिल बंदपट्टे त्याचप्रमाणे विधानसभा संपर्कप्रमुख प्रशांत मांडरकर,काशिनाथ बासुतकर,उमेश सारंग यांच्यासह शिवसैनिक उपस्थित होते.
