परिवर्तन घडवण्यासाठी प्रचाराच्या नारळाला यावच लागतंय
माढा/ज्ञानप्रवाह न्यूज,दि.०४/११/२०२४- राज्यभरातून लक्ष लागलेल्या माढा विधानसभा मतदारसंघात अभिजीत पाटील यांनी प्रचारात आघाडी घेतली आहे.
माढा विधानसभा मतदारसंघात महाविकास आघाडीचे अधिकृत उमेदवार अभिजीत धनंजय पाटील यांच्या प्रचाराचा शुभारंभ माढा लोकसभा मतदारसंघाचे खासदार धैर्यशील मोहिते-पाटील यांच्या शुभहस्ते रांझणी भिमानगर ता.माढा येथे होणार आहे.
या माढा विधानसभा मतदारसंघातील लढतीकडे सर्वांचे लक्ष लागले असून अभिजीत धनंजय पाटील यांनी मतदारसंघात आपुलकी जिव्हाळ्याचे नाते निर्माण केले आहे.३० वर्षांपासून आमदार असलेल्या बबनराव शिंदे यांच्या राजकीय कारकीर्दीतील सर्वात मोठे आव्हान असलेल्या अभिजीत धनंजय पाटील यांनी आपल्या विजयाचा आत्मविश्वास व्यक्त केला आहे.माढा मतदारसंघातील मतदार हे राष्ट्रवादी काँग्रेस शरदचंद्र पवार पक्षाचे अध्यक्ष शरद पवार,माजी उपमुख्यमंत्री विजयसिंह मोहिते पाटील यांच्या नेतृत्वाखाली माढा मतदार संघाचे खासदार धैर्यशील मोहिते पाटील यांच्या पाठिंब्यावर सर्व सहकारी पदाधिकारी व कार्यकर्ते यांच्या सहकार्याने आपल्याला नक्कीच विजयी करतील असेही अभिजीत पाटील म्हणाले.
या प्रचार समारंभाला सर्वांनी मोठ्या संख्येने उपस्थित रहावे असे आवाहन राष्ट्रवादी काँग्रेस शरदचंद्र पवार पक्ष आणि महाविकास आघाडीच्या वतीने करण्यात आले आहे.मंगळवार दि.०५/११/२०२४ रोजी दुपारी २.०० वाजता रांझणी भिमानगर ता. माढा येथे होणार आहे.
